बँका पडणार, नोकऱ्या जाणार! आता वाचवा फक्त ‘सोना, चांदी आणि बिटकॉइन’मुळे!

‘Rich Dad Poor Dad’ या जागतिक बेस्टसेलर पुस्तकाचे लेखक आणि प्रसिद्ध आर्थिक विचारवंत रॉबर्ट कियोसाकी यांनी जागतिक अर्थव्यवस्थेच्या संदर्भात एक गंभीर इशारा दिला आहे. त्यांच्या मते, जग एक मोठ्या आर्थिक मंदीकडे वाटचाल करत आहे, आणि या संकटात केवळ विशिष्ट मालमत्ता प्रकारच तुमची संपत्ती सुरक्षित ठेवू शकतात. त्यांनी सोशल मीडिया प्लॅटफॉर्म ‘X’ (पूर्वीचे ट्विटर) वर पोस्ट करून सोने, चांदी आणि बिटकॉइनसारख्या मालमत्तांमध्ये गुंतवणुकीचा सल्ला दिला आहे.

जगात आर्थिक अस्थिरतेचे सावट

रॉबर्ट कियोसाकी यांनी अमेरिकेच्या सध्याच्या आर्थिक धोरणांवर आणि वित्तीय व्यवस्थेवर तीव्र टीका केली आहे. अमेरिकेच्या सरकारी बाँड लिलावात गुंतवणूकदारांचा अभाव, फेडरल रिझर्व्हची स्वकष्टाने बाँड खरेदी करण्याची वेळ येणे, हे सर्व त्यांच्यामते “बनावट पैशांनी” चालणाऱ्या अर्थव्यवस्थेचं निदर्शक आहे. अमेरिकेच्या वाढत्या राष्ट्रीय कर्जामुळे आणि महागाईने नागरिकांच्या क्रयशक्तीवर परिणाम होत आहे. कियोसाकी यांचं म्हणणं आहे की, ही सगळी चिन्हं एक मोठ्या महामंदीची सुरुवात दर्शवतात.

मूल्यवान मालमत्ता: संपत्ती टिकवण्याचं साधन

कियोसाकी यांचा ठाम विश्वास आहे की, पारंपरिक चलन व्यवस्थेवर अवलंबून राहणं धोकादायक ठरू शकतं. त्यामुळे त्यांनी ‘होल्ड रिअल मनी’ (खऱ्या अर्थाने मौल्यवान मालमत्ता) असं विधान करत लोकांना सोने, चांदी आणि बिटकॉइनमध्ये गुंतवणुकीचा सल्ला दिला आहे. त्यांच्या अंदाजानुसार, भविष्यात –

• सोने २५,००० डॉलर (₹२० लाखांहून अधिक) पर्यंत जाऊ शकतं,

• चांदी ७० डॉलर दरपर्यंत वाढू शकते,

• आणि बिटकॉइन ५ लाख ते १० लाख डॉलर (₹४ ते ८ कोटी) पर्यंत पोहोचू शकतो.

त्यांच्या मते, या मालमत्ता केवळ गुंतवणूक नाहीत, तर आर्थिक संरक्षणाचं एक माध्यम आहेत.

अमेरिकेची पत घसरण आणि जागतिक परिणाम

कियोसाकी यांचा दावा आहे की अमेरिकेच्या पतनाशामुळे (credit rating downgrade) जागतिक वित्तीय बाजारात अस्थिरता निर्माण होईल. Moody’s, Fitch Ratings आणि S&P सारख्या संस्थांनी अमेरिकेचं क्रेडिट रेटिंग कमी केल्याने पुढील काही वर्षांत –

• व्याजदर वाढतील,

• कर्ज घेणं महाग होईल,

• बेरोजगारी आणि बँकिंग संकट वाढेल,

• आणि गृहनिर्माण क्षेत्रात घसरण होऊ शकते.

ते म्हणतात की १९२९ सालच्या महामंदीसारखी परिस्थिती पुन्हा उद्भवू शकते, जिथे सामान्य लोकांचे आर्थिक अस्तित्व धोक्यात आलं होतं.

आर्थिक स्वावलंबन आणि उद्योजकतेचा सल्ला

फक्त गुंतवणूकच नव्हे, तर आर्थिक स्वातंत्र्याच्या दिशेनेही पावले उचलण्याचा कियोसाकी सल्ला देतात. त्यांच्या मते, नोकरीची सुरक्षितता ही एक भ्रम असून, लोकांनी छोट्या उद्योजकतेच्या माध्यमातून आपलं उत्पन्न स्वयंपूर्ण करायला हवं. साईड बिझनेस, उत्पन्न देणाऱ्या मालमत्तांमध्ये गुंतवणूक, आणि आर्थिक शिक्षण – ही त्रिसूत्री कोणतीही आर्थिक मंदी पार करण्यासाठी उपयुक्त ठरते.