जर तुम्ही पंजाब नॅशनल बँकेचे (PNB) खातेदार असाल, तर ही माहिती तुमच्यासाठी अत्यंत महत्त्वाची आहे. PNB बँकेनं आपल्या सर्व खातेदारांना १० एप्रिल २०२५ पर्यंत KYC (Know Your Customer) अपडेट करण्याचं आवाहन केलं आहे. ही प्रक्रिया रिझर्व्ह बँक ऑफ इंडिया (RBI) च्या मार्गदर्शक तत्वांनुसार राबवली जात आहे. ज्यांनी ३१ मार्च २०२५ पर्यंत KYC अपडेट केलेलं नाही, त्यांच्यासाठी हे अपडेट करणं बंधनकारक करण्यात आलं आहे. अन्यथा, त्यांचं बँक खातं तात्पुरतं फ्रीज केलं जाऊ शकतं.
KYC म्हणजे काय?
KYC (Know Your Customer) ही एक बँकिंग प्रक्रिया आहे, जिच्या माध्यमातून बँका आपल्या ग्राहकांची ओळख पडताळणी करतात. या प्रक्रियेचा उद्देश बँकेशी संबंधित आर्थिक व्यवहार अधिक पारदर्शक आणि सुरक्षित ठेवणं हा आहे. फसवणूक, मनी लॉन्ड्रिंग आणि इतर आर्थिक गुन्ह्यांपासून प्रतिबंध घालणे, हाच KYC मागील मुख्य हेतू आहे.
KYC अपडेट करण्याचे विविध मार्ग
तुमचं KYC अपडेट करणं ही एक सुलभ प्रक्रिया आहे, आणि PNB बँकेने यासाठी ऑनलाइन आणि ऑफलाइन दोन्ही पर्याय उपलब्ध करून दिले आहेत. खाली दिलेल्या कोणत्याही पर्यायाचा वापर करून तुम्ही KYC प्रक्रिया पूर्ण करू शकता:
-
बँकेच्या शाखेला भेट देऊन KYC अपडेट
-
तुमचं ओळखपत्र (जसे की आधार कार्ड, पासपोर्ट, ड्रायव्हिंग लायसन्स)
-
पत्त्याचा पुरावा
-
अलीकडचा पासपोर्ट साइज फोटो
-
पॅनकार्ड किंवा फॉर्म ६०
-
उत्पन्नाचा पुरावा (जिथे आवश्यक असेल)
-
मोबाईल नंबर (आधी नोंदवलेला नसेल तर)
-
हे सर्व कागदपत्र घेऊन जवळच्या PNB शाखेला भेट द्या आणि फॉर्म भरून KYC अपडेट करा.
-
-
PNB One App चा वापर
-
घरबसल्या PNB One मोबाइल अ‍ॅप डाऊनलोड करा.
-
तुमच्या खात्यात लॉगिन करून KYC अपडेटचा पर्याय निवडा आणि आवश्यक कागदपत्रे अपलोड करा.
-
-
इंटरनेट बँकिंग (IBS)
-
PNB च्या अधिकृत वेबसाइटवर जाऊन इंटरनेट बँकिंगमध्ये लॉगिन करा.
-
तिथे दिलेल्या KYC अपडेट पर्यायावर क्लिक करून प्रोसेस पूर्ण करा.
-
-
ईमेल किंवा पोस्टाद्वारे कागदपत्रे पाठवा
-
तुमची होम ब्रँच कोणती आहे ते तपासा.
-
संबंधित कागदपत्रे नोंदणीकृत ईमेल किंवा पोस्टाद्वारे बँकेला पाठवून KYC प्रक्रिया पूर्ण करता येते.
-
केवायसी न केल्यास होणारे परिणाम
जर खातेदारांनी १० एप्रिल २०२५ पर्यंत आपलं KYC अपडेट केलं नाही, तर बँक त्यांचं खातं तात्पुरतं गोठवेल. त्यानंतर:
-
खात्यातून पैसे काढणे किंवा जमा करणे शक्य होणार नाही
-
ऑनलाइन व्यवहार, UPI, NEFT, RTGS इत्यादी सेवा थांबतील
-
इतर बँकिंग सुविधांवरही मर्यादा लागू होतील