ऑगस्टमध्ये तब्बल १६ दिवस बँका बंद! तुमचं काम अडणार नाही ना?

August 2025 Bank Holidays: जर तुम्ही ऑगस्ट २०२५ मध्ये बँकेशी संबंधित काही महत्त्वाचे व्यवहार करणार असाल, तर ही माहिती तुमच्यासाठी अत्यंत उपयुक्त आहे. कारण या महिन्यात एकूण १६ दिवस विविध कारणांनी बँका बंद राहणार आहेत. यामध्ये आठवड्याचे नियमित सुट्टीचे दिवस, तसेच स्थानिक आणि राष्ट्रीय सणांच्या सुट्ट्यांचा समावेश आहे.

संपूर्ण भारतात आणि राज्यनिहाय बँक सुट्ट्या – ऑगस्ट २०२५

ऑगस्ट महिन्यात खालील दिवशी विविध राज्यांमध्ये बँकांना सुट्ट्या असतील:

• ३ ऑगस्ट (रविवार) – देशभरात आठवड्याचा सुट्टीचा दिवस. त्रिपुरामध्ये केर पूजा निमित्तानेही सुट्टी.

• ८ ऑगस्ट (गुरुवार) – तेंदोंग लो रम फात निमित्ताने सिक्कीम व ओडिशा राज्यात सुट्टी.

• ९ ऑगस्ट (शुक्रवार) – रक्षाबंधन मुळे उत्तराखंड, उत्तर प्रदेश, हरियाणा, मध्य प्रदेश, छत्तीसगड आणि राजस्थानमध्ये बँका बंद.

• १० ऑगस्ट (दुसरा शनिवार) – देशभरात बँकांना नियमित दुसऱ्या शनिवारी सुट्टी.

• १३ ऑगस्ट (मंगळवार) – मणिपूरमध्ये देशभक्ती दिवस साजरा केला जातो.

• १५ ऑगस्ट (गुरुवार) – स्वातंत्र्य दिन संपूर्ण भारतभर सुट्टी.

• १६ ऑगस्ट (शुक्रवार) – जन्माष्टमी व पारशी नववर्ष निमित्त गुजरात व महाराष्ट्रात सुट्टी.

• १७ ऑगस्ट (रविवार) – आठवड्याचा सुट्टीचा दिवस.

• २३ ऑगस्ट (चौथा शनिवार) – सर्व देशभर बँका बंद.

• २४ ऑगस्ट (रविवार) – आठवड्याची नियमित सुट्टी.

• २६ ऑगस्ट (सोमवार) – कर्नाटक व केरळमध्ये गणेश चतुर्थी.

• २७ ऑगस्ट (मंगळवार) – आंध्र प्रदेश, गोवा, गुजरात, महाराष्ट्र, पंजाब, ओडिशा, सिक्कीम, तामिळनाडू आणि तेलंगणामध्ये गणेशोत्सवाचा दुसरा दिवस साजरा केला जातो.

• २८ ऑगस्ट (बुधवार) – ओडिशा, पंजाब आणि सिक्कीममध्ये नुआखाई उत्सवामुळे बँक सुट्टी.

• ३१ ऑगस्ट (रविवार) – महिन्याचा शेवटचा रविवार, देशभर सुट्टी.

काय होतील परिणाम?

या सुट्ट्यांमुळे अनेक राज्यांमध्ये बँक व्यवहारांवर परिणाम होण्याची शक्यता आहे. काही ठिकाणी सलग २ ते ३ दिवस बँका बंद राहणार असल्याने, रोख व्यवहार, चेक क्लिअरन्स, कर्ज संबंधित प्रक्रिया, डीड सबमिशन, एफडी परतावा इत्यादी कामांमध्ये अडथळा निर्माण होऊ शकतो.

या काळात बँकिंग कसे करावे?

सुट्टीच्या काळात बँकेच्या शाखा बंद असल्या तरी डिजिटल सेवा सुरु राहतील. त्यामुळे ग्राहकांनी खालील सेवा वापरणे उपयुक्त ठरेल:

• इंटरनेट बँकिंग – पैसे ट्रान्स्फर, बिल पेमेंट, अकाउंट स्टेटमेंट.

• मोबाईल बँकिंग अ‍ॅप्स – त्वरित व्यवहार व खात्याची माहिती पाहण्यासाठी.

• ATM सेवा – पैसे काढणे, बॅलन्स तपासणे.

• UPI, QR कोड पेमेंट्स – दुकानदार, व्यावसायिक किंवा वैयक्तिक व्यवहारांसाठी सहज मार्ग.

सूचना:

• ज्या ग्राहकांना बँकेशी संबंधित आवश्यक दस्तऐवज सादर करायचे असतील किंवा महत्वाचे व्यवहार असतील, त्यांनी ते ऑगस्टच्या सुरुवातीस पूर्ण करावेत.

• सुट्ट्यांमध्ये काही बदल स्थानिक सरकारी निर्णयांवर अवलंबून असू शकतात. त्यामुळे तुम्ही संबंधित राज्यातील अधिकृत सुट्टीची यादी पाहावी.