मुंबई: पॉवर ट्रान्समिशन क्षेत्रातील अग्रगण्य कंपनी GE Vernova T&D India ने जून 2025 तिमाहीत उत्कृष्ट आर्थिक निकाल सादर केल्यानंतर बुधवारी सकाळच्या सत्रात तिच्या शेअरने जोरदार उसळी घेतली. शेअरने ५% अप्पर सर्किट गाठून ₹२,६०४.२५ चा ५२ आठवड्यांचा नवा उच्चांक गाठला.
नफ्यात तब्बल ११७% वाढ
जुलै 2025 अखेर संपलेल्या तिमाहीत कंपनीचा निव्वळ नफा ₹१३४ कोटींवरून वाढून ₹२९१ कोटींवर पोहोचला, म्हणजेच तब्बल ११७.२% वाढ झाली. त्याचप्रमाणे, कंपनीचं एकूण महसूल ₹९५८ कोटींवरून वाढून ₹१,३३० कोटींवर पोहोचला, जो वर्ष-दर-वर्ष ३९% ची वाढ दर्शवतो.
EBITDA आणि मार्जिनमध्ये मोठी सुधारणा
तिमाहीदरम्यान कंपनीचा EBITDA (व्याज, कर, घसारा आणि इतर खर्चापूर्वीचा नफा) ११३.२% ने वाढून ₹३८८ कोटींवर पोहोचला आहे. EBITDA मार्जिनही लक्षणीय वाढत १९% वरून २९.१% वर पोहोचले, ज्यामुळे कंपनीची ऑपरेशनल कार्यक्षमता अधिक ठळकपणे समोर आली आहे.
ऑर्डर बुक मजबूत, मागणीत वाढ
या तिमाहीत कंपनीने ₹१,६२० कोटींच्या नवीन ऑर्डर्स मिळवल्या आहेत, ज्यामध्ये देशांतर्गत तसेच आंतरराष्ट्रीय क्लायंट्सचा समावेश आहे. ऑर्डर बुकमध्ये ५७% वाढ झाली आहे, जी मागील वर्षी ₹१,०३० कोटी होती.
गुंतवणूकदारांसाठी मल्टीबॅगर शेअर
शेअरच्या वाढीचा ट्रेंड पाहता, गेल्या ५ वर्षांत या स्टॉकने ३०००% हून अधिक परतावा दिला आहे. मागील एका वर्षातच शेअरने १०८% वाढ नोंदवली आहे. ५२ आठवड्यांचा नीचांक ₹१,२५२.८ होता, तर आजचा उच्चांक ₹२,६०४.२५ रुपये आहे.