Gautam Adani : सध्या भारतात सामायिक कमाईपेक्षा वैयक्तिक कमाई जोरात सुरु आहे. अंबानी आणि अदानी यांचे नाव श्रीमंतांच्या यादीत सर्वात अग्रेसर राहत आहे. अदानी समूहाचे मालक गौतम अदानी यांच्या संपत्तीत गेल्या वर्षभरात मोठी वाढ झाली आहे.
जगातील 5 व्या क्रमांकाचे श्रीमंत आणि आशियातील पहिल्या क्रमांकाचे श्रीमंत गौतम अदानी यांच्या अदानी समूहानेही क्रिकेटच्या मैदानात प्रवेश केला आहे.
अदानी समूहाची कंपनी असलेल्या अदानी स्पोर्ट्सलाइनने युनायटेड अरब अमिराती (UAE) च्या प्रीमियर T20 लीगमध्ये फ्रँचायझी मिळवून फ्रँचायझी क्रिकेटमध्ये प्रवेश केला आहे.
UAE T20 लीग ही इंडियन प्रीमियर लीग (IPL) सारखीच असेल. अदानी समूहाने ऑक्टोबर 2021 मध्ये 2022 इंडियन प्रीमियर लीग (IPL) संघ विकत घेण्याचा प्रयत्न केला होता.
तथापि, 5,100 कोटी रुपयांची बोली लावूनही गौतम अदानी यांच्या मालकीचा समूह अहमदाबाद किंवा लखनऊ फ्रँचायझींचा मालक होऊ शकला नाही.
