Share Market update : टाटा समूहाची कंपनी टायटनच्या शेअर्सने आज म्हणजेच सोमवारी गेल्या एक वर्षातील नवीन विक्रमी पातळी गाठली. आजच्या दिवसाच्या व्यवहारात टायटनचा शेअर बीएसईवर रु. 2.790 च्या पातळीवर गेला, जो गेल्या एका वर्षातील सर्वोच्च पातळी आहे. टायटनचे सप्टेंबर तिमाहीचे आर्थिक निकाल येणार आहेत. सप्टेंबरच्या तिमाहीत कंपनीचा नफा आणि कमाई वाढण्याची अपेक्षा गुंतवणूकदारांना आहे. त्यामुळे निकाल जाहीर होण्यापूर्वीच त्याच्या शेअर्समध्ये खरेदी वाढली आहे..

टायटनच्या शेअर्सचा पूर्वीचा 52 आठवड्यांचा उच्चांक रु. 2.767.55 होता, जो तो 21 मार्च 2022 रोजी पोहोचला होता. तेव्हापासून त्याचा स्टॉक या पातळीच्या वर गेला आहे. व्यापाराच्या शेवटी, टायटन 0.64% वाढून रु. 2.753.05 वर बंद झाला.

ज्वेलरी आणि घड्याळ निर्माता कंपनी टायटनने ऑक्टोबरच्या सुरुवातीला सप्टेंबरच्या तिमाहीतील विक्रीच्या आकडेवारीचे अपडेट जारी केले होते. कंपनीने म्हटले होते की, “कंपनीने सर्व विभागांमध्ये दुहेरी अंकी वाढ पाहिली आहे आणि एकूण विक्रीत वर्ष दर वर्ष 18 टक्के वाढ नोंदवली आहे.”

कंपनीने नोंदवले आहे की सप्टेंबर तिमाहीत त्यांच्या ज्वेलरी व्यवसायाच्या विक्रीत वार्षिक 18 टक्क्यांनी वाढ झाली आहे. या कालावधीत कंपनीच्या सोन्याच्या दागिन्यांच्या सेगमेंटमध्ये कमी दुहेरी अंकांमध्ये वाढ झाली आहे. या सणासुदीच्या हंगामात चांगली विक्री होण्याची आशाही कंपनीने व्यक्त केली आहे.

कंपनीने म्हटले आहे की त्यांनी Q2 मध्ये 105 नवीन दागिन्यांची दुकाने उघडली आहेत. या कालावधीत तनिष्कची 8 मियाची 16 आणि झोयाची 1 दुकाने उघडण्यात आली आहेत. कंपनीने असेही म्हटले आहे की दुसऱ्या तिमाहीत घड्याळे आणि वेअरेबलमध्ये 20 टक्के वाढ झाली आहे. कंपनीने असेही म्हटले आहे की टायटन आणि फास्ट्रॅकचे स्मार्ट घड्याळ Q2 मध्ये लॉन्च करण्यात आले आहे.

ब्रोकरेज मोतीलाल ओसवाल यांनी मागच्या आठवड्यात टायटन शेअर्सवर रु. 3.135 च्या लक्ष्य किंमतीसह खरेदी सल्ला दिला होता.