sharemarket

Share Market : सध्या मार्केटमध्ये अस्थिरता सुरु असली तरीपण काही स्टॉक असे आहेत जे गुंतवणुकदारांना मजबूत परतावा देत आहेत. पण यासाठी सर्वात महत्वाची गोष्ट म्हणजे तुमच्याकडे संयम असला पाहिजे. जर तुमच्याकडे संयम असेल तर तुम्ही शेअर मार्केटचे करोडपती देखील बनू शकता.

वास्तविक अर्थव्यवस्थेत सुधारणा झाल्यामुळे बँकिंग क्षेत्रात मजबूत वाढ अपेक्षित आहे. मजबूत स्थितीत असलेल्या बँकांना याचा फायदा होईल. बँकिंग क्षेत्राच्या वाढीमध्ये मजबूत स्टॉकवर सट्टेबाजी करून नफा कमावण्याचा विचार करत असाल, तर खाजगी क्षेत्रातील मजबूत शेअर असलेल्या ICICI बँकेवर लक्ष ठेवा. अनेक दिग्गज ब्रोकरेज हाऊसला हा स्टॉक आवडतो. ब्रोकरेज हाऊसचे म्हणणे आहे की 1 वर्षांच्या उच्चांकाच्या आसपास व्यवहार करणाऱ्या या शेअरची किंमत भविष्यात 4 अंकांवर पोहोचेल. बँकेचा ताळेबंद मजबूत असून कर्जाची वाढही चांगली असल्याचे त्यांचे म्हणणे आहे. क्रेडिट कॉस्ट कंट्रोलमुळे मार्जिन पुढे जाण्याची अपेक्षा आहे.

ब्रोकरेज हाऊस मोतीलाल ओसवाल

ब्रोकरेज हाऊस मोतीलाल ओसवाल यांनी ICICI बँकेत गुंतवणुकीचा सल्ला दिला असून शेअरची किंमत 1050 रुपये निश्चित केली आहे. बँकेचा ताळेबंद मजबूत होत असल्याचे ब्रोकरेज हाऊसचे म्हणणे आहे. रिटेल फ्रँचायझींवर लक्ष केंद्रित केल्याचा फायदा बँकेला मिळत आहे. रिटेल पोर्टफोलिओमुळे एकूण कर्ज वाढ दिसून येत आहे. एसएमई आणि बिझनेस बँकिंग पोर्टफोलिओमध्ये वार्षिक 37 टक्के वाढ झाली आहे आणि एकूण कर्जाच्या 11 टक्के वाटा आहे. बँकेच्या मालमत्तेचा दर्जाही सुधारला आहे. आर्थिक वर्ष 2024 पर्यंत बँकेचा GNPA आणि NNPA 2.4 टक्के आणि 0.5 टक्क्यांवर येऊ शकतो.

ब्रोकरेज हाऊस शेअरखान

ब्रोकरेज हाऊस शेअरखानने ICICI बँकेत गुंतवणुकीचा सल्ला दिला असून शेअरची किंमत 1040 रुपये निश्चित केली आहे. ब्रोकरेज हाऊसच्या मते, बँकिंग क्षेत्रातील आगामी वाढीचा फायदा घेण्यासाठी बँक मजबूत स्थितीत आहे. बँक या विभागातील आपला बाजार हिस्सा वाढवत आहे. ताळेबंद खूप मजबूत आहे आणि क्रेडिट खर्च नियंत्रणात आहे. कर्जाची वाढही मजबूत राहते. आगामी काळात व्यवसाय अधिक मजबूत होण्याची अपेक्षा आहे.

ब्रोकरेज हाऊस मॅक्वेरी

ब्रोकरेज हाऊस मॅक्वेरीनेही आपल्या ताज्या अहवालात ICICI बँकेवर विश्वास व्यक्त केला आहे. एकूणच खाजगी बँकिंग क्षेत्रावर ब्रोकरेज तेजीत आहे. ब्रोकरेज म्हणते की खाजगी क्षेत्रातील बँकांची कर्ज वाढ चांगली आहे आणि पुढील 3 वर्षांसाठी EPS वाढ 20% CAGR अपेक्षित आहे. क्रेडिट कॉस्ट कंट्रोल करण्यात आले आहे, त्यामुळे आगामी काळात मार्जिनही सुधारेल. ब्रोकरेज हाऊसने ICICI बँकेत गुंतवणुकीची शिफारस करताना outperm रेटिंग दिले आहे. शेअरची लक्ष्य किंमत 1000 रुपयांवरून 1050 रुपये करण्यात आली आहे. सध्या शेअर 870 रुपयांच्या आसपास व्यवहार करत आहे.