Repo Rate Update : यूएस फेडरल रिझर्व्ह आणि इतर मध्यवर्ती बँकांनी दर वाढविल्यानंतर आर्थिक मंदीची अटकळ तीव्र झाली आहे. फेडरल रिझर्व्ह आणि इतर मध्यवर्ती बँकांनी दर वाढवल्यानंतर, रिझर्व्ह बँक ऑफ इंडिया (आरबीआय) महागाई नियंत्रित करण्यासाठी चौथ्यांदा रेपो दरातही वाढ करू शकते, अशी अपेक्षा आहे. RBI ने मे पासून रेपो रेटमध्ये 140 बेसिस पॉइंट्स (bps) ने वाढ केली आहे, जो चालू राहू शकतो. रिझव्‍‌र्ह बँकेकडून रेपो दरात पुन्हा ५० बेसिस पॉईंटची वाढ होण्याची शक्यता आहे.

येत्या आठवडाभरात, ३० सप्टेंबर रोजी आरबीआयच्या चलनविषयक धोरणाच्या निकालावर गुंतवणूकदारांचे लक्ष असेल, असे जिओजित फायनान्शियल सर्व्हिसेसचे संशोधन प्रमुख विनोद नायर यांनी सांगितले. नायर म्हणाले, “जागतिक वाढ आणि विदेशी संस्थात्मक गुंतवणूकदारांच्या (एफआयआय) कृतीमुळे बाजाराची दिशा ठरेल अशी आमची अपेक्षा आहे,” असे नायर म्हणाले.

स्वस्तिका इन्व्हेस्टमार्ट लिमिटेडचे ​​संशोधन प्रमुख संतोष मीना म्हणाले, “आंतरराष्ट्रीय प्रभाव या आठवड्यातही भारतीय बाजारावर वर्चस्व गाजवतील अशी अपेक्षा आहे, परंतु RBI धोरण आणि F&O सप्टेंबरमध्ये संपुष्टात आल्याने बाजार अस्थिर राहू शकतो. त्याच वेळी, अमेरिकेच्या जीडीपीचाही भारतीय बाजारांवर प्रभाव राहणार आहे.

शुक्रवारी अमेरिकन डॉलरच्या तुलनेत रुपयाची घसरण पाहायला मिळाली. पहिल्यांदाच अमेरिकन डॉलरच्या तुलनेत रुपया ८१ अंकांच्या खाली घसरला आहे. रेलिगेअर ब्रोकिंग लिमिटेडचे ​​व्हीपी अजित मिश्रा यांनीही भारतीय बाजारांमध्ये अस्थिरतेची शक्यता व्यक्त केली आहे. गेल्या आठवड्यात भारतीय शेअर बाजाराचा सेन्सेक्स 1.26 टक्क्यांनी घसरून 741.87 अंकांवर होता, तर निफ्टी 1.16 टक्क्यांनी घसरून 203.50 अंकांवर होता.