LPG Cylinder Rates :- LPG सिलेंडर हा सर्वसामान्यांच्या जिव्हाळ्याचा विषय आहे. एलपीजी सिलेंडरच्या वाढणाऱ्या किंवा कमी होणाऱ्या किमती ह्या त्यांच्या आर्थिक बजेटच गणित ठरवत असतात. विशेष बाब म्हणजे भारत सरकारच्या उज्ज्वला योजनेच्या माध्यमातून देशातील ग्रामीण भागात गॅस सिलिंडरची सुविधा उपलब्ध करून देण्यात आली आहे.

वास्तविक जागतिक स्तरावर किमतीत घट झाल्यामुळे, व्यावसायिक एलपीजीच्या किमतीत कपात करण्यात आली. याचा वापर हॉटेल, रेस्टॉरंट आणि इतर व्यावसायिक कारणांसाठी केला जातो.

सरकारी तेल कंपन्यांनी जारी केलेल्या अधिसूचनेनुसार, 19 किलो वजनाच्या व्यावसायिक सिलिंडरसाठी एलपीजी 198 रुपयांनी स्वस्त झाला आहे. या कपातीनंतर दिल्लीत 19 किलोच्या व्यावसायिक एलपीजी सिलेंडरसाठी 2021 रुपये द्यावे लागतील. यापूर्वी ही किंमत 2219 रुपये होती.

एका महिन्यात डबल
आज (1 जुलै) व्यावसायिक एलपीजीच्या किमती कमी करण्यात आल्या असून, महिनाभरात दुसऱ्यांदा ही कपात करण्यात आली आहे.

आज त्याची किंमत 198 रुपयांनी कमी झाली आहे आणि जूनमध्ये प्रति सिलेंडर 135 रुपयांनी कपात करण्यात आली आहे, म्हणजेच एका महिन्यात 333 रुपयांनी स्वस्त झाला आहे.

एटीएफच्या किमतींमध्ये कोणताही बदल नाही
व्यावसायिक एलपीजीच्या किमतीत आज कपात करण्यात आली असली तरी दुसरीकडे विमानात वापरल्या जाणाऱ्या एटीएफ (एव्हिएशन टर्बाइन फ्युएल) इंधनाच्या किमतीत कोणताही बदल झालेला नाही.

राष्ट्रीय राजधानी दिल्लीमध्ये त्याची किंमत 141,232.87 रुपये प्रति किलोलिटर (141.23 रुपये प्रति लिटर) आहे, जी आधीच विक्रमी उच्चांकावर आहे.

व्यावसायिक LPG किंमत दर महिन्याच्या 1 तारखेला सुधारित केली जाते तर ATF किंमत दर महिन्याच्या 1 आणि 16 तारखेला सुधारित केली जाते.