Share Market tips : सध्या शेअर मार्केटमध्ये भरपूर अस्थिरता आहे. बहुतांश वेळी गुंतवणूकदारांना मार्केटचा कल समजून घेण्यात अपयश येते. जर मार्केटमध्ये तुम्हाला टिकून राहायचे असेल तर गुंतवणूकदारांनी योग्य स्टॉकची निवड करणे खूप गरजेचे आहे.

वास्तविक गेल्या आठवड्यात सेन्सेक्स 60 हजारांच्या खाली 59959 स्तरावर आणि निफ्टी 17786 वर बंद झाला. निफ्टी 17800 च्या महत्त्वाच्या पातळीच्या खाली बंद झाल्याचे जाणकारांचे मत आहे. पुढील काही आठवडे भारतीय शेअर बाजार देशांतर्गत मॅक्रो डेटावर आधारित असेल, असे तज्ज्ञांचे मत आहे. कंपन्यांच्या त्रैमासिक निकालांचा बाजारातील भावावर परिणाम होईल. अनुज गुप्ता, तज्ञ, IIFL सिक्युरिटीज यांनी या आठवड्यात या पाच समभागांमध्ये खरेदीचा सल्ला दिला आहे. त्यासाठी टार्गेट किंमतही देण्यात आली आहे.

NTPC साठी लक्ष्यित किंमत

या आठवड्यासाठी, एनटीपीसीमध्ये खरेदी सल्ला देण्यात आला आहे आणि लक्ष्य किंमत 190 रुपये ठेवण्यात आली आहे. गेल्या आठवड्यात शेअर 174 रुपयांच्या पातळीवर बंद झाला. लक्ष्य किंमत 9 टक्क्यांपेक्षा जास्त आहे. गेल्या आठवड्यात हा शेअर 5.45 टक्क्यांनी वधारला होता. या वर्षी आतापर्यंत हा शेअर 40 टक्क्यांनी वधारला आहे. सप्टेंबर तिमाहीत एकत्रित नफा वार्षिक आधारावर 7.4 टक्क्यांनी घसरला. महसुलात ३६.३ टक्के वाढ झाली आहे.

रिलायन्ससाठी लक्ष्य किंमत

या आठवड्यासाठी रिलायन्सची लक्ष्य किंमत 2620 रुपये ठेवण्यात आली आहे. गेल्या आठवड्यात शेअर 2526 रुपयांच्या पातळीवर बंद झाला. शुक्रवारी, शेअर 3 टक्क्यांनी (रु. 75) वाढला होता. तांत्रिक आधारावर त्याला आणखी गती येईल.

टाटा मोटर्ससाठी लक्ष्य किंमत

टाटा मोटर्ससाठी या आठवड्याची लक्ष्य किंमत 435 रुपये ठेवण्यात आली आहे. गेल्या आठवड्यात शेअर 410 रुपयांच्या पातळीवर बंद झाला. लक्ष्य किंमत 6 टक्क्यांनी जास्त आहे. 500 रुपयांच्या पातळीवरून सुधारणा झाल्यानंतर शेअरने तेजीचा कल सुरू केला आहे. तांत्रिकदृष्ट्या, RSI इंडिकेटर ओव्हरसोल्ड झोनमधून खरेदीच्या बाजूकडे जात आहे.

PowerGrid साठी लक्ष्य किंमत

पॉवरग्रीडसाठी लक्ष्य किंमत 238 रुपये ठेवण्यात आली आहे. गेल्या आठवड्यात शेअर 227 रुपयांच्या पातळीवर बंद झाला. लक्ष्य किंमत सुमारे 5 टक्के जास्त आहे. हा स्टॉक एका आठवड्यात 4.37 टक्के आणि एका महिन्यात 9.20 टक्के वाढला आहे.

Hindalco साठी लक्ष्य किंमत

हिंदाल्कोसाठी लक्ष्य किंमत 420 रुपये ठेवण्यात आली आहे. गेल्या आठवड्यात शेअर 405 रुपयांच्या पातळीवर बंद झाला. एका महिन्यात स्टॉक 12 टक्क्यांहून अधिक वाढला आहे. 52 आठवड्यांचा उच्चांक 636 रुपये आहे, तर निम्न 309 रुपये आहे.