अमेरिकेच्या संशोधन संस्थेचा मुकेश अंबानींबाबत मोठा दावा; ‘ह्या’ नवीन व्यवसायाबाबत केले मोठे भाकीत

MHLive24 टीम, 19 जुलै 2021 :- रिलायन्स इंडस्ट्रीज लिमिटेडचे अध्यक्ष मुकेश अंबानी हे एक यशस्वी उद्योजक आहेत. मुकेश अंबानी जे काही व्यवसाय सुरू करतात, ते यशस्वी होणे निश्चितच आहे. दूरसंचार कंपनी रिलायन्स जिओ याचा सर्वात मोठा पुरावा आहे. नुकतेच मुकेश अंबानी यांनी ग्रीन एनर्जी सेगमेंटमध्ये उतरण्याची घोषणा केली आहे. त्याच्या यशाबद्दलची भविष्यवाणी यापूर्वीच सुरू झाली आहे.

रिलायन्स इंडस्ट्रीजचा ग्रीन एनर्जी व्यवसाय येत्या 5 वर्षात यशाचे नवीन आयाम निर्माण करेल, असे अमेरिकेतील संशोधन व दलाली संस्था बर्नस्टेन रिसर्चने म्हटले आहे. अमेरिकेच्या संशोधन संस्थेचे म्हणणे आहे की पाच वर्षांत रिलायन्सच्या या नवीन हरित उर्जा व्यवसायाचे मूल्य सुमारे 36 अब्ज डॉलर्स म्हणजे जवळपास 2.6 लाख कोटी रुपये होईल.

अमेरिकन कंपनीच्या अहवालात असे सांगितले गेले आहे की, जर सर्व गोष्टी योजनेनुसार राहिल्या तर वित्तीय वर्ष 2026 मध्ये ग्रीन एनर्जी व्यवसायाचा रिलायन्सच्या एकूण एबिटा मध्ये 10% हिस्सा असेल.

Advertisement

मुकेश अंबानींची ही योजना आहे :- रिलायन्स इंडस्ट्रीजचे चेअरमन मुकेश अंबानी यांनी गेल्या महिन्यात झालेल्या वार्षिक सर्वसाधारण सभेमध्ये (एजीएम) ग्रीन एनर्जी व्यवसाय सुरू करण्याची घोषणा केली. रिलायन्स या व्यवसायात 75 हजार कोटी रुपयांची गुंतवणूक करेल.

यापैकी 4 गीगा कारखाना उभारण्यासाठी 60 हजार कोटी रुपये खर्च केले जातील. या कारखान्यांमध्ये सौर, बॅटरी, इंधन सेल आणि इलेक्ट्रोलायझर तयार केले जातील. हे सर्व कारखाने गुजरातमधील जामनगरमध्ये उभारले जातील. रिलायन्सची 2030 पर्यंत 100 गीगावाट सोलर एनर्जी तयार करण्याची योजना आहे.

रिलायन्सला आव्हानांचा सामना करावा लागणार :- अहवालात असे म्हटले आहे की यापूर्वी तेल कंपन्यांनी स्वच्छ उर्जा उत्पादक कंपन्या बनण्याचा प्रयत्न केला होता, परंतु त्या सर्व अयशस्वी झाल्या. रिलायन्सचे मॅन्युफॅक्चरिंग फोकस बरेच वेगळे आहे आणि जास्त मार्जिन मिळण्याची शक्यता आहे.

Advertisement

परंतु रिलायन्ससमोर स्वच्छ उर्जेमध्ये मर्यादित उत्पादन क्षमता हे एक मोठे आव्हान आहे. हे आव्हान पेलण्यासाठी रिलायन्सला नवीन भागीदार शोधावे लागतील. हे भागीदार इंधन सेल आणि बॅटरी उत्पादनाच्या तांत्रिक आवश्यकता पूर्ण करतील.

रणनीती यशस्वी करेल :- बर्नस्टेन रिसर्चने म्हटले आहे की ग्रीन एनर्जी व्यवसायात रिलायन्सच्या यशाबद्दल फारसे काही बोलता येणार नाही. परंतु कंपनीच्या विशिष्ट रणनीतीमुळे यशस्वी होण्याची शक्यता जास्त आहे. रिलायन्सने स्वत: ऊर्जा निर्मितीपेक्षा संबंधित उपकरणे तयार करण्यावर लक्ष केंद्रित केले आहे. ही रणनीती त्याला यश देऊ शकते. रिलायन्सने सौर उर्जामध्ये गुंतवणूक करण्याऐवजी सौर पीव्ही पॅनेल आणि ग्रीन एनर्जी स्टोरेज उपकरणे तयार करण्याचे धोरण आखले आहे.

  • 😊 Mhlive24 आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा 👉🏻 https://t.me/mhlive24news
  • 🤷🏻‍♂️ फेसबुक वर बातम्या मिळविण्यासाठी Join करा आमचा फेसबुक न्यूज ग्रुप  http://bit.ly/mhlivefbgroup

 

Advertisement

Mhlive24

Maharashtra Live News Updates In Marathi, Latest Politics, Crime, Entertainment, Sports, Money And Lifestyle News In Marathi

Related Articles

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker