Zero rupee note in India : भारतात शून्य रुपयांचीही नोट आहे ! केव्हा आणि का छापली गेली? जाणून घ्या इंटरेस्टिंग माहिती

MHLive24 टीम, 25 डिसेंबर 2021 :- भारतीय चलनात अनेक नोटा आहेत. भारतात रिझर्व्ह बँक 1 रुपयांपासून 2 हजार रुपयांपर्यंतच्या नोटा छापते. या नोटांचा वापर करून लोक दैनंदिन गरजेपासून इतर सर्व सुविधांचा लाभ घेऊ शकतात.(Zero rupee note in India)

पण तुम्हाला माहिती आहे का की देशात शून्य (0) रुपयांच्या नोटाही छापल्या जातात? ऐकून आश्चर्य वाटले ना? पण हे खरे आहे. आज आम्ही तुम्हाला या शून्य रुपयांच्या नोटेविषयी सांगणार आहोत

एका विशेष मोहिमेअंतर्गत ही नोट छापण्यात आली

Advertisement

या शून्य रुपयांच्या नोटेवर राष्ट्रपिता महात्मा गांधी यांचा फोटोही छापण्यात आला असून ती इतर नोटांसारखीच दिसते. मात्र शून्य रुपयांची नोट का चलनात आली याचा तुम्हाला प्रश्न पडला असेल.

या नोटने काय खरेदी केले जाऊ शकते असेही तुम्हाला वाटले असेल. ही नोट आरबीआयने जारी केलेली नाही. वास्तविक, भ्रष्टाचाराविरुद्धच्या मोहिमेअंतर्गत याची निर्मिती करण्यात आली होती.

5 लाख नोटा छापल्या

Advertisement

ही नोट एका संस्थेने भ्रष्टाचाराविरुद्धचे हत्यार म्हणून सुरू केली होती. ही कल्पना 2007 साली दक्षिण भारतातील एका नॉन प्रॉफिट ऑर्गनाइजेशनची (NGO) होती. तामिळनाडूतील 5th Pillar नावाच्या या NGOने सुमारे पाच लाख शून्य रुपयांच्या नोटा छापण्याचे काम केले होते. या नोटा हिंदी, तेलुगू, कन्नड आणि मल्याळम या चार भाषांमध्ये छापून लोकांमध्ये वितरीत करण्यात आल्या.

नोटेवर भ्रष्टाचाराविरोधात अनेक संदेश लिहिले होते

भ्रष्टाचाराच्या विरोधात बनवलेल्या या नोटेवर अनेक संदेश लिहिले होते, त्यात ‘भ्रष्टाचार संपवा’, ‘कोणी लाच मागितली तर ही नोट द्या आणि प्रकरण आम्हाला सांगा’, ‘मी लाच घेणार नाही याची शपथ घेतो.’ असे अनेक संदेश लिहिले होते.

Advertisement

या शून्य रुपयांच्या नोटेवर राष्ट्रपिता महात्मा गांधी यांचा फोटोही छापण्यात आला असून नोटेच्या तळाशी उजव्या बाजूला संस्थेचा फोन नंबर आणि ईमेल आयडी छापण्यात आला आहे.

लाच मागणाऱ्यांना या विशेष नोटा देण्यात येत होत्या

‘५वा स्तंभ’ नावाची संस्था शून्य रुपयांची नोट बनवून लाच मागणाऱ्यांना देत असे. ही नोट भ्रष्टाचाराविरुद्धच्या मोहिमेचे प्रतीक होती. या संस्थेची तामिळनाडूतील अनेक जिल्ह्यांमध्ये केंद्रे होती. याचे मुख्यालय चेन्नई येथे आहे. बंगळुरू, हैदराबाद, दिल्ली आणि राजस्थानच्या पाली येथेही त्याची केंद्रे आहेत.

Advertisement
  • 👍🏻 राज्यातील ब्रेकिंग बातम्या आणि महत्वपूर्ण माहितीसाठी आजच लाईक करा आमचे FB पेज http://bit.ly/mhlivefbpage
  •  🤷🏻‍♀️ Mhlive24  आता ट्विटर वर ही आजच फॉलो करा http://bit.ly/mhlivetwit

Mhlive24

Marathi News Updates of Sarkari Yojana, Money, Share Market, Business ideas, Agriculture, Lifestyle and Technology

Related Articles

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker