MHLive24 टीम, 26 डिसेंबर 2021 :- आजकाल लोक गुंतवणुकीला महत्व देत आहेत. कारण कोरोनाने बचत आणि गुंतवणूक दोन्हीचे मूल्य समजले आहे. त्यामुळे म्युच्युअल फंड हा आजच्या काळात गुंतवणुकीचा एक अतिशय लोकप्रिय पर्याय बनत चालला आहे.(Mutual Fund)

जोपर्यंत पैसे गुंतवण्याचा संबंध आहे, म्युच्युअल फंडामध्ये SIP (सिस्टिमॅटिक इन्व्हेस्टमेंट प्लॅन) द्वारे गुंतवणूक करणे हा सर्वोत्तम मार्ग मानला जातो. लोक अनेक इक्विटी योजनांमध्ये पैसे गुंतवतात जे शेअर बाजाराशी रिलेटेड असतात.

पण चांगला परतावा देणारी सर्वोत्तम एसआयपी कशी निवडावी हा गुंतवणुकदारांच्या मनामध्ये पडणारा एक सामान्य प्रश्न आहे.

येथे आम्‍ही तुम्‍हाला अशा सर्वोत्‍तम 5 लाभांश उत्‍पन्‍न योजनांबद्दल सांगणार आहोत ज्यांनी मागील एका वर्षात सर्वाधिक परतावा दिला आहे.

ICICI प्रुडेन्शियल डिव्हिडंड यील्ड इक्विटी फंड

आयसीआयसीआय प्रुडेन्शियल डिव्हिडंड यील्ड इक्विटी फंड लाभांश उत्पन्न योजना गेल्या एका वर्षात परताव्याच्या बाबतीत अव्वल स्थानावर आहे. या फंडाने गेल्या एका वर्षात 51.4 टक्के परतावा दिला आहे. या फंडातील 77 टक्क्यांहून अधिक रक्कम लार्ज कॅप शेअर्समध्ये आहे.

दुसरीकडे, आयसीआयसीआय प्रुडेन्शियल डिव्हिडंड यील्ड इक्विटी फंडात ज्या क्षेत्रांमध्ये गुंतवणूक आहे त्यात तंत्रज्ञान, ऊर्जा आणि वित्तीय सेवा यांचा समावेश आहे. या फंडाची एयूएम (अॅसेट अंडर मॅनेजमेंट) 543 कोटी रुपये आहे.

टेंपलटन इंडिया इक्विटी इनकम फंड

टेम्पलटन इंडिया इक्विटी इन्कम फंडानेही गेल्या एका वर्षात 46.3 टक्के इतका मोठा परतावा दिला आहे. हा फंड 15 वर्षांपेक्षा जुना आहे. इक्विटी व्यतिरिक्त, टेम्पलटन इंडिया इक्विटी इन्कम फंड रिअल इस्टेट इन्व्हेस्टमेंट ट्रस्ट आणि परदेशी स्टॉक्समध्ये देखील गुंतवणूक करते. त्याची AUM रु. 1,198 कोटी आहे.

HDFC डिविडेंड यील्ड्स फंड

एचडीएफसी डिव्हिडंड यील्ड्स फंड हा जवळपास एक वर्ष जुना फंड आहे. गेल्या एका वर्षात ते 41.8 टक्के परतावा दिला आहे. या फंडाने आपला बहुतांश पैसा तंत्रज्ञान, ऊर्जा, FMCG आणि आर्थिक क्षेत्रातही गुंतवला आहे. त्याची AUM रु. 2,757 कोटी आहे.

यूटीआई डिविडेंड यील्ड फंड

UTI डिव्हिडंड यील्ड फंड ही 16 वर्षांपेक्षा जुनी योजना आहे. गेल्या एका वर्षात, UTI डिव्हिडंड यील्ड फंडाने 39.4 टक्के परतावा दिला आहे. त्याची AUM रु. 3,021 कोटी आहे. UTI डिव्हिडंड यील्ड फंड डायरेक्ट प्लानसाठी 1.46 टक्के (खर्च प्रमाण) आकारतो.

आदित्य बिर्ला सन लाइफ डिव्हिडंड यील्ड फंड

आदित्य बिर्ला सन लाइफ डिव्हिडंड यील्ड फंडाने गेल्या एका वर्षात 38.8 टक्के परतावा दिला आहे. या फंडाचा 18 वर्षांपेक्षा जास्त कालावधीचा ट्रॅक रेकॉर्ड आहे. त्याची AUM रु. 832 कोटी आहे.

ते त्याच्या डायरेक्ट स्कीम वर 1.82 टक्के (एक्सपेंस रेशियो) आकारते. लक्षात ठेवा की आम्ही या योजनांमध्ये गुंतवणुकीचा सल्ला देत नाही आहोत. स्वतः तज्ज्ञांचा सल्ला घ्या मग यात गुंतवणूक करा.

 

  • 👍🏻 राज्यातील ब्रेकिंग बातम्या आणि महत्वपूर्ण माहितीसाठी आजच लाईक करा आमचे FB पेज http://bit.ly/mhlivefbpage
  •  🤷🏻‍♀️ Mhlive24  आता ट्विटर वर ही आजच फॉलो करा http://bit.ly/mhlivetwit