स्वातंत्र्यदिनी ‘हे’ धडे लक्षात ठेवा, आयुष्यभर आर्थिक स्वातंत्र्य राहील

MHLive24 टीम, 15 ऑगस्ट 2021 :- आयुष्य जगताना केवळ पैशाला महत्व देऊन जमत नाही असे अनेक लोक म्हणतात. हे खरे असले तरी जीवन जगण्यासाठी पैसे अत्यंत आवश्यक आहे. त्यासाठी प्रत्येकाने आपले पैशांचे गणित व्यवस्थित जुळवले तर आयुष्यभर आर्थिक स्वातंत्र्य राहील. हे आपल्या वैयक्तिक वित्त आणि भविष्यातील आनंदाशी संबंधित आहे. यासाठी बचत व गुंतवणूकीचे योग्य धोरण पहिल्या नोकरीपासूनच तयार केले पाहिजे. हे कसे शक्य आहे ते पाहूया.

1. आधी बचत करा, मग खर्च करा :- आपला पगार खर्च करण्यापूर्वी आपण दोन गोष्टींचा विचार केला पाहिजे. बचत आणि गुंतवणूक करण्याचा सुवर्ण नियम म्हणजे प्रथम बचत करणे आणि नंतर खर्च करणे. प्रथम खर्च करण्याचे आणि उर्वरित पैसे बचतीत ठेवण्याची रणनीती योग्य नाही. तर, प्रथम पगाराचा एक भाग बचत म्हणून बाजूला ठेवा आणि मग उर्वरित पैसे खर्च करा.

2. तुमच्या बजेटचे पालन करा :- बजेट आखणे हे अत्यंत महत्त्वाचे आहे. अखेर तुमचे पैसे कुठे जात आहेत हे बजेट आखल्याशिवाय तुम्हाला कसे कळणार? तुमचा खर्च आणि बचत याचे आकलन तुम्हाला बजेट आखल्यावरच होईल. तुम्ही काही हजार कमवा किंवा लाखो कमवा, बजेट इज मस्ट.

Advertisement

3. लवकर गुंतवणूक सुरू करा :- जितक्या लवकर आपण गुंतवणूक सुरू करता तितक्या दीर्घ मुदतीमध्ये आपल्याला अधिक फायदा होईल. कंपाऊंडिंगच्या सामर्थ्यामुळे, आपल्याला कालांतराने रिटर्नवर रिटर्न मिळेल, जे आपल्याला कमी गुंतवणूकीद्वारेही दीर्घ मुदतीत मोठा निधी मिळविण्यास मदत करतील. उदाहरणार्थ, 26 वर्षांच्या व्यक्तीला सेवानिवृत्तीनंतर 2 कोटी निधीसाठी दरमहा 3,500 रुपयांच्या एसआयपीची आवश्यकता असते.

येथे वार्षिक व्याज 12 टक्के असे गृहित धरले जाते. त्याचबरोबर जर त्याने वयाच्या 36 व्या वर्षी म्हणजेच दहा वर्षांनंतर आपला इक्विटी फंड एसआयपी सुरू केला असेल तर त्याच आकाराचे रिटायरमेंट कॉर्पस तयार करण्यासाठी त्याला त्याच व्याज दरावर मासिक 12,000 रुपयांचे एसआयपी योगदान द्यावे लागेल.

4. रिटायरमेंट प्लॅनसाठी गुंतवणूक :- रिटायरमेंटसाठी दरमहा नियमितपणे दीर्घकालावधीसाठी गुंतवणूक करा. कारण आयुष्यातील विविध जबाबदाऱ्या, दैनंदिन खर्च इत्यादी बाबींमुळे तुमच्या हातातील पैसे खर्च होत राहतात. पाहता पाहता तुम्ही निवृत्त व्हाल आणि तुमच्या हाती फारसे पैसे राहणार नाहीत. तरुणवयातच रिटायरमेंटसाठी केलेल्या गुंतवणुकीची मधूर फळे तुम्हाला निवृत्तीनंतरच्या आयुष्यात चाखता येतील.

Advertisement

5. गुंतवणूकीचे डाइवर्सिफिकेशन आवश्यक :- आपण आपल्या गुंतवणूकीच्या डाइवर्सिफिकेशन वर लक्ष केंद्रित केले पाहिजे. डाइवर्सिफिकेशन म्हणजे आपली सर्व गुंतवणूक एका मालमत्तेत ठेवू नये. त्याऐवजी ते वेगवेगळ्या ठिकाणी ठेवा. आपण रिअल इस्टेट, म्युच्युअल फंड, स्टॉक आणि सोने आणि निश्चित उत्पन्नाच्या साधनांमधील गुंतवणूकींमध्ये विविधता आणू शकता. याद्वारे आपण विविध क्षेत्रांच्या परताव्यातील चढउतारांमुळे होणारे नुकसान टाळण्यास सक्षम असाल.

 

  • 😊 Mhlive24 आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा 👉🏻 https://t.me/mhlive24news
  • 🤷🏻‍♂️ फेसबुक वर बातम्या मिळविण्यासाठी Join करा आमचा फेसबुक न्यूज ग्रुप  http://bit.ly/mhlivefbgroup

 

Advertisement

Mhlive24

Maharashtra Live News Updates In Marathi, Latest Politics, Crime, Entertainment, Sports, Money And Lifestyle News In Marathi

Related Articles

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker