सरकार नागरिकाना लाभ मिळावा यासाठी अनेक योजना आणत असते. या योजनाद्वारे सरकार सामान्य नागरीकांना विविध सुविधांचा लाभ देण्याचा प्रयत्न करते.

या योजनांचा भरपूर प्रसार देखील झाला आहे. आपण आज अशाच एका योजनेबद्दल जाणून घेणार आहोत. दरम्यान मध्य प्रदेशात पुन्हा एकदा मुख्यमंत्री कन्या विवाह योजना सुरू होणार आहे.

मुख्यमंत्री शिवराज सिंह चौहान यांनी सांगितले की, 21 एप्रिलपासून आम्ही पुन्हा मुख्यमंत्री कन्या विवाह योजना सुरू करत आहोत. 21 एप्रिल रोजी पहिला कार्यक्रम सिहोर जिल्ह्यातून सुरू होणार आहे. या कार्यक्रमात शिवराज सिंह चौहानही सहभागी होणार आहेत.

55 हजार रुपयांपर्यंत खर्च : शिवराज सिंह चौहान यांनी सांगितले की, 38 हजार रुपयांचे साहित्य दिले जाईल. 11,000 धनादेश, 6,000 इतर व्यवस्थेवर खर्च करावयाचे आहेत. याचा अर्थ एकूण 55 हजार रुपये खर्च होणार आहे.

काय आहेत अटी: लाभार्थीसाठी आवश्यक अट अशी आहे की मुलगी मूळची मध्य प्रदेशची असणे आवश्यक आहे. मुलीचे वय 18 वर्षे आहे. सामूहिक विवाह कार्यक्रमात सहभागी होऊन विवाह झाल्यानंतरच मुलीला आर्थिक मदत दिली जाईल.

किमान 5 जोडपी असतील तरच सामूहिक विवाह कार्यक्रम आयोजित केला जाईल. लाभार्थी वर्गात सर्वसाधारण, इतर मागास जाती, अनुसूचित जाती, अनुसूचित जमाती यांचा समावेश होतो. यासाठी कोणतेही अर्ज शुल्क नाही.