कोरोना काळात साथीच्या आजारात मोठी घट

MHLive24 टीम, 1 ऑगस्ट 2021 :- शहरात गेल्या वर्षी मार्च महिन्यात दाखल झालेल्या कोरोनाने दहशत पसरवली. कोरोनाचा विषाणू हवेतून, अस्वच्छतेमुळे, दूषित पाण्यामुळे, जास्त दिवस पाणी साठवल्याने पसरतो, असे अनेक तर्क नागरिकांनी लावले.

टाळेबंदीमुळे सगळे घरात असल्याने प्रत्येकाने स्वच्छतेच्या नियमांचे काटेकोर पालन केले. त्यामुळे पावसाळाच्या बरोबरीने शहरात येणारे वेगवेगळे कीटकजन्य, साथीचे आजारांचे प्रमाण दोन वर्षांत लक्षणीयरीत्या घटले आहे.

इतर साथींचा प्रादुर्भाव कमी :- कोरोनाने दीड वर्षापासून सगळ्यांना वेठीस धरले असताना इतर साथींचा प्रादुर्भाव कमी झाल्याने पुणेकरांना दिलासा मिळाला आहे. घराची स्वच्छता हे यामागचे मुख्य कारण असल्याचे वैद्यकीय तज्ज्ञांचे मत आहे.

Advertisement

एरवी पावसाळ्यात गच्चीवर, बाल्कनीतील जुन्या कुंड्या, वापरत नसलेले टायर अशा वेगवेगळ्या ठिकाणी साठून राहणारे पाणी नागरिकांनी काळजीपूर्वक स्वच्छ केले. घराबरोबरच परिसराची स्वच्छता राखल्याने डासांचा प्रादुर्भाव वाढला नाही.

पाच वर्षांत सर्वांत कमी रुग्ण :- डासांना अंडी घालण्यासाठी अनुकूल वातावरण मिळाले नाही. त्यामुळे सलग दोन वर्षे पुण्यात पावसाळ्यानंतर डोके वर काढणारा डेंगी, हिवताप, मलेरिया, चिकनगुनिया या आजारांचा प्रादुर्भाव कमी झाला आहे. गेल्या पाच वर्षांतील कमी आकडे गेल्या आणि या वर्षीच्या पर्यावरण मूल्यांकन अहवालात नोंदविण्यात आले आहेत.

स्वच्छतेबद्दल सतत काळजी हवी :- वर्षभर दहा ते बारा तास नोकरीमुळे घराबाहेर राहणारे नागरिक टाळेबंदीमुळे घरी होते. त्यामुळे घराच्या स्वच्छतेची काळजी घेतली गेली. पावसाचे पाणी कुठे साठणार नाही, याबद्दल नागरिक जागरूक राहिले. त्यांच्या सजगतेमुळे सलग दोन वर्षे साथीच्या आजार उल्लेखनीय प्रमाणात घटले आहेत. कोरोनाची साथ संपल्यावरही नागरिकांनी स्वच्छतेबद्दल काळजी घेत राहणे गरजेचे आहे.

Advertisement
  • 👍🏻 राज्यातील ब्रेकिंग बातम्या आणि महत्वपूर्ण माहितीसाठी आजच लाईक करा आमचे FB पेज http://bit.ly/mhlivefbpage
  •  🤷🏻‍♀️ Mhlive24  आता ट्विटर वर ही आजच फॉलो करा http://bit.ly/mhlivetwit

Mhlive24

Maharashtra Live News Updates In Marathi, Latest Politics, Crime, Entertainment, Sports, Money And Lifestyle News In Marathi

Related Articles

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker