आयडाॅल मंडळी मदतकार्याबाबत असंवेदनशील

MHLive24 टीम, 25 जुलै 2021 :- लोक ज्यांना आयडॉल मानतात, ते कलाकार मंडळी या मदतकार्यात कुठेही दिसत नाहीत. किंबहुना त्यांनी राज्यातल्या भीषण परिस्थितीवर साधं ट्वीट करण्याची तसदीही घेतली नाही. याच कलाकार मंडळींचे कान पकडत मनसेने मदतीचं आवाहन केलं आहे.

शंभर नागरिकांचे प्राण गेले :- संपूर्ण राज्यात धुवाँधार पाऊस पडतोय. राज्यांतल्या अनेक शहरांत पूर आला. पावसामुळे अघटित घटना घडल्या आहेत. या घटनेत आतापर्यंत जवळपास 110 नागरिकांना आपले जीव गमवावे लागले आहेत. शासन पातळीवर, स्वयंसेवी संस्थांकडून मदतकार्य तर सुरूर आहे; पण बॉलिवूडकरांनी जरा संवेदनशील व्हावं, असं आवाहन मनसेनं केले आहे.

इतर राज्यांना मदत, महाराष्ट्राबाबत दुजाभाव :- इतर राज्यात काही आपत्ती आली की बॉलिवूड कलाकार मदत करतात. मात्र महाराष्ट्रात पूर आला तर साधं ट्वीटही नाही. माझ्याच राज्यात राहून मोठं झालेल्या बॉलिवूडकरांनी जरा संवेदनशील व्हावं आणि मदतकार्याला हातभार लावावा, असं आवाहन मनसेचे चित्रपट सेनेचे अध्यक्ष अमेय खोपकर यांनी बॉलिवूडच्या कलाकारांना केलं आहे.

Advertisement

काय म्हणाले अमेय खोपकर ? :- इतर राज्यांमध्ये नैसर्गिक आपत्तीनंतर बॉलिवूडमधून मदतीसाठी अनेक जण पुढे येतात. माझ्या राज्यात पूर आल्यानंतर एकाही कलाकाराला साधं ट्वीटही करावसं वाटलं नाही, याचं आश्चर्य वाटतं. अनेक स्वयंसेवी संस्थांनी मदत कार्य सुरू केलेलं आहे.

आमचे महाराष्ट्र सैनिकही झटत आहेत. अशा वेळी माझ्याच राज्यात राहून मोठं झालेल्या बड्या बॉलीवूड ता-यांनी थोडं संवेदनशील व्हावं आणि मदत कार्याला हातभार लावावा, असं जाहीर आवाहन खोपकर यांनी केलं आहे.

मनसैनिकांना आवाहन :- महाराष्ट्रात सर्वत्र पावसानं थैमान घातलं आहे. त्यातल्या त्यात कोकणात आणि पश्चिम महाराष्ट्रातल्या काही भागात भीषण पूर-परिस्थिती निर्माण झाली आहे. या अवघड परिस्थितीत मी सर्व महाराष्ट्र सैनिकांना त्यांना जितकं जमेल तितकी मदत त्यांनी पूरग्रस्तांना करावी असे आवाहन करतो.

Advertisement

आत्ता लोकांचा जीव महत्वाचा आहे आणि नंतर जसजसा पूर ओसरेल तसा रोगराईचा धोकाही वाढू शकेल. तुम्ही त्यात लक्ष घालून अत्यंत तातडीनं योग्य ती मदत तिथे पोचेल असं पाहावं. काम करताना अर्थातच स्वत:ची काळजीही घ्यावी.

  • 👍🏻 राज्यातील ब्रेकिंग बातम्या आणि महत्वपूर्ण माहितीसाठी आजच लाईक करा आमचे FB पेज http://bit.ly/mhlivefbpage
  •  🤷🏻‍♀️ Mhlive24  आता ट्विटर वर ही आजच फॉलो करा http://bit.ly/mhlivetwit

Mhlive24

Maharashtra Live News Updates In Marathi, Latest Politics, Crime, Entertainment, Sports, Money And Lifestyle News In Marathi

Related Articles

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker