MHLive24 टीम, 25 डिसेंबर 2021 :- सध्या स्वतःचे घर असावे असे प्रत्येकाचेच स्वप्न असते. तेही देशाची राजधानी दिल्लीत असेल तर? पण दिल्लीत घर घेणे खूप महागडे असते. ते आपल्या आर्थिक बजेट मध्ये बसणार नाही असेही अनेकांना वाटेल. पण आता तुमचे स्वप्न पूर्ण होऊ शकते.(Cheap cost flats in delhi)

जर तुम्ही दिल्लीत घर घेण्याचा विचार करत असाल तर तुमच्यासाठी एक आनंदाची बातमी आहे. तुम्ही दिल्लीत तुमचे घर फक्त 8 लाख रुपयांना खरेदी करू शकता. या विशेष ऑफरबद्दल तपशीलवार जाणून घ्या. 

15500 हून अधिक फ्लॅट विकले जातील

दिल्ली विकास प्राधिकरण (DDA) ने गुरुवारी 15500 हून अधिक फ्लॅट्ससह एक नवीन विशेष गृहनिर्माण योजना सुरू केली, ज्या अंतर्गत विशेष सवलती देखील ऑफर केल्या आहेत.

DDA ने या फ्लॅट्सवर मोठ्या सवलतीच्या ऑफर दिल्या आहेत. असे मानले जात आहे की दिल्ली विकास प्राधिकरण (DDA) ची नवीन गृहनिर्माण योजना नवीन वर्षापासून सुरू होऊ शकते.

अनेक श्रेणींचे फ्लॅट्स असतील

या योजनेत HIG, LIG, EWS आणि MIG फ्लॅट्सचा समावेश केला जाईल. या योजनेसाठी अर्ज करण्यासाठी सुमारे 2 महिन्यांचा वेळ दिला जाईल. हे सर्व फ्लॅट दिल्लीच्या परिसरात असंतील. या योजनेसाठी तुम्ही आजपासून अर्ज करू शकता.

सबसिडी मिळू शकते

याशिवाय DDA ने सर्व प्रकारच्या फ्लॅट्सवर लकी ड्रॉ काढला आहे. जर तुमचा फ्लॅट लकी ड्रॉमध्ये निघाला, तर तुम्हाला प्रधानमंत्री आवास योजनेअंतर्गत सबसिडी देखील मिळेल.

यासाठी 23 डिसेंबरपासून निविदा प्रक्रिया सुरू झाली असून, पुढील दोन महिने ही निविदा खुली राहणार आहे. 7 फेब्रुवारी ही बोली लावण्याची शेवटची तारीख आहे.

या ठिकाणी फ्लॅट्स उपलब्ध होतील

हे फ्लॅट्स तुम्हाला द्वारका, नरेला, रोहिणी आणि जसोला सारख्या ठिकाणी मिळतील. या फ्लॅटसाठी तुम्ही ऑनलाइन अर्ज करू शकता. या योजनेत तुम्हाला पीएम आवास योजनेअंतर्गत सबसिडीचा लाभही मिळेल.

ही आहे बुकिंगची रक्कम

HIG आणि MIG श्रेणींसाठी बुकिंग रक्कम प्रत्येकी 2 लाख रुपये आहे. एलआयजीसाठी ही रक्कम 1 लाख रुपये आहे, तर जनता फ्लॅटसाठी 25 हजार रुपये आहे. याशिवाय सर्व श्रेणींसाठी प्रक्रिया शुल्क 2 हजार रुपये आहे.

 

  • 😊 Mhlive24 आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा 👉🏻 https://t.me/mhlive24news
  • 🤷🏻‍♂️ फेसबुक वर बातम्या मिळविण्यासाठी Join करा आमचा फेसबुक न्यूज ग्रुप  http://bit.ly/mhlivefbgroup