पतंजलीच्या इतिहासात प्रथमच बाबा रामदेव यांचा मोठा निर्णय; क्रिकेटर अन हिरो…

MHLive24 टीम, 18 जुलै 2021 :- योगगुरू आणि पतंजली आयुर्वेदचे संस्थापक बाबा रामदेव हे स्वत:च त्यांच्या कंपनीच्या उत्पादनांची जाहिरात करतात. पण लवकरच आपण पतंजलीच्या उत्पादनांचा प्रचार करताना सुप्रसिद्ध क्रिकेटर्स आणि कलाकार यांना पाहू शकतो. हा निर्णय बाबा रामदेव यांनी पतंजली आयुर्वेदाच्या स्थापनेनंतर 15 वर्षानंतर घेतला आहे.

बाबा रामदेव यांनी नुकत्याच दिलेल्या काही मुलाखतीत सांगितले आहे की पतंजलीच्या उत्पादनांना प्रोत्साहन देण्यासाठी अन प्रचार करण्यासाठी प्रथमच क्रिकेटर आणि कलाकारांसारख्या लोकप्रिय सेलिब्रिटींना घेण्याचा निर्णय घेण्यात आला आहे. हे सेलिब्रिटी पतंजलीबरोबर रुची सोया उत्पादनांचा प्रचार करतील. पतंजली आयुर्वेदने गेल्या वर्षी रुची सोया विकत घेतली होती. बाबा रामदेव यांनी पतंजली आयुर्वेदची 2006 मध्ये स्थापना केली.

येत्या काही दिवसांत होईल करार :- बाबा रामदेव इकॉनॉमिक टाइम्सशी बोलताना म्हणाले की, आम्ही एक क्रिकेटर आणि बॉलिवूड अभिनेत्याशी समझोता करण्याच्या प्रक्रियेतून जात आहोत. कराराची ही प्रक्रिया येत्या काही दिवसांत पूर्ण होईल. मात्र, बाबा रामदेव यांनी कोणत्याही सेलिब्रिटीचे नाव जाहीर केले नाही.

Advertisement

इंडस्ट्री लीडर्सच्या विनोदांना आव्हान बनवले :- बाबा रामदेव म्हणाले की काही इंडस्ट्री लीडर विनोदि पणे म्हणतात की योगींना कॉर्पोरेट गव्हर्नन्स आणि व्यावसायिकतेबद्दल काय माहित असते? आम्ही त्यांचे विनोद आव्हान म्हणून घेतले आणि रुची सोया यांना एक लिस्टेड कॉरपोरेट एंटिटी म्हणून स्थापित केले. ते म्हणाले की रुचि सोया कमोडिटी कंपनीमधून एक एफएमसीजी कंपनीमध्ये बदलून 50,000 कोटी रुपयांच्या उलाढालीसह मार्केट लीडर बनेल.

बाबा रामदेव पतंजलीचा आयपीओ घेऊन येतील :- बाबा रामदेव अलीकडेच पतंजली आयुर्वेद आयपीओ आणतील असं म्हटलं आहे. सध्या पतंजली ग्रुपची कंपनी रुचि सोया 4300 कोटी रुपयांचा एफपीओ घेऊन येत आहे. बाबा रामदेव म्हणतात की, पतंजली समूहाने येत्या 3-4 वर्षांत सर्व कंपन्यांना कर्जमुक्त करण्याचे लक्ष्य ठेवले आहे. सन 2020-21 आर्थिक वर्षात पतंजली समूहाची एकूण उलाढाल 30 हजार कोटींपेक्षा जास्त आहे.

  • 😊 Mhlive24 आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा 👉🏻 https://t.me/mhlive24news
  • 🤷🏻‍♂️ फेसबुक वर बातम्या मिळविण्यासाठी Join करा आमचा फेसबुक न्यूज ग्रुप  http://bit.ly/mhlivefbgroup

Advertisement

Mhlive24

Maharashtra Live News Updates In Marathi, Latest Politics, Crime, Entertainment, Sports, Money And Lifestyle News In Marathi

Related Articles

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker