Elon Musk : टेस्ला आणि स्पेसएक्स या नामांकित फर्मचे सीईओ एलोन मस्क हे जगातील सर्वात श्रीमंत व्यक्ती आहेत. दरम्यान जगातील सर्वात श्रीमंत व्यक्ती आणि टेस्लाचे मुख्य कार्यकारी अधिकारी एलोन मस्क यांनी मायक्रो-ब्लॉगिंग साइट Twitter Inc मध्ये 9.2% हिस्सा विकत घेतला होता.
त्यांनतर मस्क यांनी 43 अब्ज डॉलर मध्ये संपूर्ण ट्विटर विकत घेतले. यामुळे ते चर्चेत आहेत. अशातच केंद्रिय मंत्री नितीन गडकरी यांचे एक विधान चर्चेत आले आहे,
केंद्रीय मंत्री नितीन गडकरी म्हणाले की, अमेरिकेतील इलेक्ट्रिक वाहन निर्माता कंपनी टेस्लाने भारतात आपली इलेक्ट्रिक वाहने बनवली तर त्याचा कंपनीलाही फायदा होईल.
रस्ते वाहतूक आणि महामार्ग मंत्री सोमवारी एका कार्यक्रमात म्हणाले की, तो दिवस दूर नाही जेव्हा देशातील सर्व इलेक्ट्रिक वाहनांची किंमत पेट्रोल वाहनांच्या किमतीपेक्षा कमी असेल.
ते म्हणाले, “जर टेस्लाने भारतात इलेक्ट्रिक कार बनवल्या तर त्यांनाही फायदा होईल.”” पण कंपनीने चीनमधून कार आयात करू नये.
रायसिना डायलॉगमध्ये ते म्हणाले होते, “जर इलॉन मस्क (टेस्लाचे सीईओ) भारतात कार बनवण्यास तयार असतील तर काही हरकत नाही.
गेल्या वर्षी, अवजड उद्योग मंत्रालयाने टेस्लाला सांगितले की, सरकारने कोणत्याही कर सवलतीचा विचार करण्यापूर्वी कंपनीने भारतात आपल्या इलेक्ट्रिक वाहनांचे उत्पादन सुरू केले पाहिजे.
