Electric scooter: पेटोल डिझेलचे वाढते भाव आणि इलेक्ट्रिक वाहनांना आलेलं डिमांड पाहता अनेक ग्राहक इलेक्ट्रिक गाड्या खरेदी करण्याचा विचार करतं आहेत.

ग्राहकांचा कल लक्षात घेता कंपण्यानी देखील EV मध्ये गुंतवणूक करण्यास सुरुवात केली आहे. Tata Motors, Mahindra, MG Motors, Hyundai सारख्या प्रमुख कार कंपन्यांनी या विभागात त्यांची उत्पादने लाँच केली आहेत.

अशा परिस्थितीत अनेक मोठे दिग्गज आहेत जे केवळ इलेक्ट्रिक वाहने विकसित करण्यात गुंतले आहेत. इलेक्ट्रिक दुचाकींच्या बॅटरीला आग लागण्याच्या घटनांमुळे त्यांच्या विक्रीवरही परिणाम झाला आहे.

विशेषत: ज्या कंपन्यांच्या ई-स्कूटरला आग लागली, त्यांच्या विक्रीवर मोठा परिणाम झाला आहे. रस्ते वाहतूक आणि महामार्ग मंत्रालयाच्या नॅशनल रजिस्टर ऑफ ई-सर्व्हिस व्हेइकल्स (VAHAN) च्या आकडेवारीनुसार,

Ola Electric, Hero Electric आणि Okinawa च्या विक्रीत मोठी घट झाली आहे. एप्रिल 2022 च्या तुलनेत त्यांची विक्री 58% कमी झाली. मात्र, दरम्यानच्या काळात एथर एनर्जीच्या इलेक्ट्रिक दुचाकींची मागणी वाढली. एप्रिलच्या तुलनेत कंपनीला 26% वाढ मिळाली आहे.

एथरच्या विक्रीला मोठा जॅकपॉट भेटला.:-  मे महिन्यात, एथरने एकूण 3,098 इलेक्ट्रिक दुचाकी विकल्या. एप्रिलमध्ये कंपनीने 2,450 स्कूटर विकल्या. म्हणजेच गेल्या महिन्यात 26.45% वाढीसह 648 स्कूटरची विक्री केली.

कंपनीसाठी ही कोणत्याही महिन्यातील सर्वाधिक विक्री आहे. एथर एनर्जीच्या चेन्नई एक्सपिरियन्स सेंटरमध्ये 27 मे रोजी आग लागली होती. ही घटना अथर एनर्जीच्या नुंगमबक्कम अनुभव केंद्रात घडली.

आग लागल्याचे समजताच अथर अनुभव केंद्रातील कर्मचाऱ्यांना सुखरूप बाहेर काढण्यात आले. शॉर्ट सर्किटमुळे आग लागल्याचे कंपनीने म्हटले आहे. यापूर्वी ओकिनावा शोरूमलाही आग लागली होती.

हिरो इलेक्ट्रिक आणि ओलाला मोठा झटका :- मे महिन्यात इलेक्ट्रिक टू-व्हीलर विकणाऱ्या दोन कंपन्यांना सर्वाधिक फटका बसला आहे हीरो इलेक्ट्रिक आणि ओला इलेक्ट्रिक. हिरो इलेक्ट्रिकने गेल्या महिन्यात 2,739 इलेक्ट्रिक स्कूटर विकल्या. कंपनीने एप्रिलमध्ये 6,578 स्कूटर विकल्या.

म्हणजेच, त्याच्या 3,839 युनिट्स 58.36% च्या घसरणीसह कमी विकल्या गेल्या. येथे, ओला इलेक्ट्रिकने गेल्या महिन्यात 8,681 इलेक्ट्रिक स्कूटर विकल्या. कंपनीने एप्रिलमध्ये 12,702 स्कूटर विकल्या.

म्हणजेच, 31.66% च्या घसरणीसह, 4,021 युनिट्स कमी विकल्या गेल्या. त्याचप्रमाणे ओकिनावाने गेल्या महिन्यात 8888 इलेक्ट्रिक स्कूटर विकल्या. कंपनीने एप्रिलमध्ये 11,011 स्कूटर विकल्या. म्हणजेच, 19.28% च्या घसरणीसह, 2,123 युनिट्स कमी विकल्या गेल्या.