रस्ते, पुलाचे दोन हजार कोटींचे नुकसान

MHLive24 टीम, 31 जुलै 2021 :- अतिवृष्टीमुळे रस्ते आणि पुलांचे मोठ्या प्रमाणावर नुकसान झाले असून त्यांच्या दुरुस्तीसाठी जवळपास दोन हजार कोटी रुपयांची आवश्यकता आहे.

कोकण, पश्चिम महाराष्ट्रात मोठे नुकसान :- कोकण आणि पश्चिम महाराष्ट्रात अतिवृष्टीमुळे आलेल्या महापुरात राज्यभरातील रस्ते आणि पुलांचे जवळपास दोन हजार कोटी रुपयांचे नुकसान झाल्याचा प्राथमिक अंदाज आहे. यामध्ये राज्यांतर्गत जोडणारे, जिल्ह्यांतर्गत जोडणारे तसेच छोटे-मोठे रस्ते-पूल यांचाही समावेश आहे. त्यामुळे रस्ते आणि पूल यांच्या दुरुस्तीसाठी सार्वजनिक बांधकाम विभाग लवकरच निधी आणि कामाचे नियोजन जाहीर करणार असल्याचे समजते.

पूरग्रस्त भागातल्या सखल रस्त्यांची उंची वाढविणार :- रायगड, रत्नागिरी, सिंधुदुर्ग, सांगली, कोल्हापूर, सातारा, अकोला, अमरावती या जिल्ह्यांमध्ये पुराचा सर्वाधिक फटका बसल्याने अनेक ठिकाणी रस्ते वाहून गेले आहेत. तर, छोट्या नद्या, नाल्यांवर असणारे पुल देखील वाहून गेले आहेत. त्यामुळे सार्वजनिक वाहतुकीवर मोठा परिणाम झालेला दिसतो.

Advertisement

भविष्यात असे होऊ नये यासाठी पूरग्रस्त भागातल्या सखल रस्त्यांची उंची वाढवण्याचा सार्वजनिक बांधकाम खात्याचा विचार आहे. वारंवार पूर येणाऱ्या परिसरातील रस्तावर जास्त उंचीचे मोठे पूल बांधल्यास रस्ता वाहतूक बंद राहणार नाही या दृष्टिकोनातून सार्वाजनिक बांधकाम विभाग विचार करीत आहे.

अगोदरच कपात, त्यात नुकसान :- कोरोना आणि टाळेबंदीमुळे राज्याचा आर्थिक स्रोत आटल्याने प्रत्येक विभागाला विकासनिधी खर्च करण्यासाठी ६० टक्क्यांची मुभा आहे. साहजिकच आधीच निधीची कमतरता असल्याने आता दुरुस्तीसाठीचा हा नवा खर्च सार्वजनिक बांधकाम विभागाला परवडणारा नाही.

निधीची कमतरता :- याबाबत सार्वजनिक बांधकाममंत्री अशोक चव्हाण म्हणाले, की राज्यात वारंवार पूर येणाऱ्या परिसरातील रस्त्यांवर अधिक उंचीचे पूल बांधण्याचा विचार सुरू आहे; पण तूर्तास सार्वजनिक बांधकाम विभागाकडे तितकासा आर्थिक निधी नसल्याने अत्यावश्यक असणाऱ्या ठिकाणी छोट्या-मोठ्या नद्या-नाल्यांवरील पुलांची उंची वाढवणे तसेच रस्त्यांचा दर्जा वाढवणे याला प्राथमिकता असणार आहे.

Advertisement
  • 👍🏻 राज्यातील ब्रेकिंग बातम्या आणि महत्वपूर्ण माहितीसाठी आजच लाईक करा आमचे FB पेज http://bit.ly/mhlivefbpage
  •  🤷🏻‍♀️ Mhlive24  आता ट्विटर वर ही आजच फॉलो करा http://bit.ly/mhlivetwit

Mhlive24

Maharashtra Live News Updates In Marathi, Latest Politics, Crime, Entertainment, Sports, Money And Lifestyle News In Marathi

Related Articles

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker