Business Idea : प्रत्येक व्यक्तीस आपले अनेक स्वप्न पूर्ण करण्यासाठी पैशांची गरज असते. यासाठी अनेकजण आपल्या परीने कष्ट करत असतात. आज आम्ही तुमच्या कष्टाला पंख देतील अशी एक व्यवसाय कल्पना घेऊन आलो आहोत.

आज आम्ही तुम्हाला अशा व्यवसायाबद्दल सांगणार आहोत, ज्यामध्ये मंदी कधीच येत नाही. मंदीच्या काळातही या व्यवसायात मागणीवर फारसा परिणाम होत नाही. हा डेअरी फार्मिंग व्यवसाय आहे, ज्यातून तुम्ही दूध उत्पादन करून भरपूर कमाई करू शकता. यामध्ये सरकारकडून दुग्ध व्यवसायात सबसिडीही मिळते.

दुग्ध व्यवसाय कसा सुरू करायचा ? :- दुग्धव्यवसाय सुरू करण्यासाठी, तुम्हाला सुरुवातीच्या टप्प्यात कमी गायी किंवा म्हशी निवडाव्या लागतील. मागणीनुसार नंतर जनावरांची संख्या वाढवता येईल.

त्यासाठी आधी गीर जातीची गाय यांसारख्या चांगल्या जातीची गाय खरेदी करून तिची चांगली निगा व अन्नाची काळजी घ्यावी. याचा फायदा म्हणजे अधिक प्रमाणात दुधाचे उत्पादन होईल. त्यामुळे उत्पन्न आपोआप वाढेल. काही दिवसांनी तुम्ही प्राण्यांची संख्या वाढवू शकता.

किती अनुदान दिले जाईल :- दुग्ध व्यवसायासाठी शासनाकडून 25 ते 50 टक्के अनुदान आहे. हे अनुदान राज्यानुसार बदलू शकते. प्रत्येक राज्यात काही दूध सहकारी संस्था आहेत.

ज्या शेतकऱ्यांना दूध उत्पादनातून उत्पन्न वाढवण्यास मदत करतात. तुम्हालाही दुग्धव्यवसाय करायचा असेल तर तुमच्या राज्यातील दूध सहकारी संस्थेशी संपर्क साधा आणि कोणती कागदपत्रे लागतील ते शोधा.

तुम्ही किती कमवाल :- जर तुम्हाला 10 गायींपासून 100 लीटर मिळाले तर तुम्ही दूध कसे विकता यावर तुमचा नफा अवलंबून असेल. जर तुम्ही सरकारी डेअरीवर दूध विकले तर तुम्हाला प्रतिलिटर 40 रुपये दर मिळतात,

तर तेच दूध तुम्ही जवळपासच्या शहरातील अनेक दुकानांमध्ये किंवा मोठ्या सोसायट्यांमध्ये खाजगीरित्या विकल्यास 60 रुपये प्रतिलिटरपर्यंत दर मिळतात. दोन्हीची सरासरी घेतली तर तुम्ही 50 रुपये लिटरने दूध विकू शकता.

अशा प्रकारे 100 लिटर दूध म्हणजे तुमचे रोजचे उत्पन्न 5000 रुपये होईल. म्हणजेच एका महिन्यात 1.5 लाख रुपये सहज कमावले जातील.