7th Pay commission : केंद्र सरकार असा निर्णय घेण्याच्या तयारीत आहे की ज्याचा तब्बल लाखो केंद्रीय कर्मचाऱ्यांना फायदा होणार आहे. होय केंद्र सरकार आता केंद्रीय कर्मचाऱ्यांच्या महागाई भत्त्यामध्ये वाढ करण्याची शक्यता आहे.

सूत्रांनी दिलेल्या माहितीनुसार सरकार लवकरच हा निर्णय घेऊ शकते. यामुळे केंद्रीय कर्मचाऱ्यांना येत्या काही दिवसांत चांगली बातमी मिळू शकते. वाढत्या महागाईला तोंड देण्यासाठी कर्मचाऱ्यांच्या महागाई भत्त्यात मोठी वाढ होऊ शकते.

याचे कारण म्हणजे मार्च महिन्यात एसीपीआय इंडेक्समधून जे आकडे समोर आले आहेत, त्यावरून सरकार डीए वाढवण्याची तयारी करू शकते हे दिसून येते.

जुलै ऑगस्टमध्ये महागाई भत्ता 4 टक्क्यांनी वाढू शकतो. मात्र, तीन महिन्यांचा आकडा येणे बाकी आहे. वाढती महागाई पाहता आगामी काळात महागाई भत्ता आणखी वाढू शकतो असे दिसते. एकूणच महागाई भत्ता (डीए वाढ) 38 टक्क्यांच्या पुढे जाण्याची अपेक्षा आहे.

DA पूर्वी इतका वाढला आहे :- जानेवारी आणि फेब्रुवारी 2022 मध्ये AICPI निर्देशांकात थोडीशी घसरण झाली होती. मात्र मार्चमध्ये त्यात झेप घेतली. त्यानंतर महागाई भत्त्यात वाढ होण्याचा मार्ग मोकळा झाला आहे.

मार्च 2022 मध्ये निर्देशांकात वाढ झाली आहे आणि पुढील महागाई भत्ता 4 टक्क्यांनी वाढण्याची अपेक्षा आहे. मात्र, एप्रिल-मे आणि जूनमध्ये त्यात आणखी वाढ होऊ शकते.

म्हणजेच डीएमध्ये 4 टक्क्यांहून अधिक वाढ होण्याची शक्यता नाकारता येत नाही. एप्रिल, मे आणि जूनचे आकडे अजून यायचे आहेत. जुलै 2021 मध्ये केंद्राने महागाई भत्ता आणि महागाई सवलत 17 वरून 28 टक्क्यांपर्यंत वाढवली.

कोरोना व्हायरसमुळे केंद्र सरकारने जवळपास दीड वर्ष महागाई भत्ता वाढवला नाही. ऑक्टोबर 2021 मध्ये आणखी 3 टक्क्यांच्या वाढीसह, केंद्र सरकारी कर्मचाऱ्यांचा डीए 31 टक्क्यांपर्यंत वाढला. आता तो 3 टक्क्यांवरून 34 टक्के करण्यात आला आहे.

कर्मचाऱ्यांना डीए का दिला जातो ?:-  केंद्र आणि राज्य सरकारी कर्मचाऱ्यांना त्यांच्या राहणीमानात सुधारणा करण्यासाठी महागाई भत्ता दिला जातो. महागाई वाढल्यानंतरही कर्मचाऱ्यांच्या राहणीमानात कोणताही फरक पडू नये.

त्यामुळेच हा भत्ता दिला जातो. सरकारी कर्मचारी आणि सार्वजनिक क्षेत्रातील कर्मचाऱ्यांना महागाई भत्ता आणि पेन्शनधारकांना महागाई सवलत दिली जाते.