Morning Nausea Causes : अनेकांना सकाळी उठल्यानंतर मळमळ किंवा उलट्या झाल्यासारखे वाटते असे होण्याचे एक कारण म्हणजे गर्भधारणा होय.
मॉर्निंग सिकनेसमुळे, गरोदरपणात सकाळी अशी समस्या उद्भवते मात्र दुसरीकडे असे अनेक जण आहे ज्यांना गर्भधारणा न होताही ही समस्या उद्भवू लागते.
ज्यामुळे त्यांना अनेकदा गंभीर परिणामांना सामोरे जावे लागते. जर तुम्ही देखील या समस्येने त्रस्त असाल तर आम्ही तुम्हाला त्याची काही कारणे सांगणार आहोत, जेणेकरुन तुम्हाला हे जाणून घेतल्यावर योग्य उपचार मिळू शकतील.
थकवा
अपुर्‍या झोपेमुळे होणारा थकवा, काही वेळा मळमळण्याचेही कारण असू शकते. झोपेच्या कमतरतेमुळे, अनेक वेळा सकाळी उलट्या झाल्याची भावना होते. अशा परिस्थितीत दररोज किमान 8 तास झोप घेण्याचा प्रयत्न करा.
डोकेदुखी किंवा मायग्रेन
कधीकधी डोकेदुखीची समस्या देखील सकाळी मळमळण्याचे कारण बनू शकते. विशेषतः मायग्रेनच्या वेदनांमुळे उलट्या होतात. तुम्हाला वारंवार डोकेदुखीसह मळमळ होत असल्यास, शक्य तितक्या लवकर तुमच्या डॉक्टरांचा सल्ला घ्या.
पाण्याची कमतरता
शरीरात पाण्याच्या कमतरतेमुळे मळमळण्याची समस्या देखील होऊ शकते. शरीरात पुरेसे पाणी नसल्यामुळे फक्त मळमळच नाही तर चक्कर येणे, थकवा येणे, सकाळी आजारी वाटणे इत्यादी अनेक समस्या देखील उद्भवू शकतात.
कमी रक्तातील साखरेची पातळी
जर तुमच्या रक्तातील ग्लुकोजची पातळी कमी असेल तर त्यामुळे मॉर्निंग सिकनेस होऊ शकतो. कधीकधी यामुळे तुम्हाला चक्कर येऊ शकते. सहसा, रात्री जेवल्यानंतर झोपणे आणि नंतर सकाळी उठून नाश्ता करणे यामधील अंतर खूप मोठे होते. अशा परिस्थितीत मधुमेही रुग्णांमध्ये रक्तातील साखरेच्या पातळीत चढ-उतार होत असतात, त्यामुळे ही समस्या उद्भवते.
चिंता
चिंता ही एक मानसिक स्थिती आहे ज्यामुळे तुम्हाला अनेक प्रकारच्या भावना येतात. अनेकदा चिंता हे देखील मॉर्निंग सिकनेसचे कारण असू शकते. इतकेच नाही तर चिंतेमुळे ही समस्या खूप गंभीर बनते. अशा परिस्थितीत, चिंता दूर ठेवण्यासाठी नेहमी योग्य उपायांचा अवलंब करण्याचा प्रयत्न करा. सकाळी योग किंवा व्यायाम तुमच्यासाठी फायदेशीर ठरतील.
अस्वीकरण: लेखात नमूद केलेल्या सूचना केवळ सामान्य माहितीच्या उद्देशाने आहेत आणि व्यावसायिक वैद्यकीय सल्ला म्हणून घेऊ नयेत. तुम्हाला काही प्रश्न किंवा समस्या असल्यास नेहमी तुमच्या डॉक्टरांचा सल्ला घ्या.
हे पण वाचा :- Health Tips: मूड खराब असताना ‘या’ फळांचे करा सेवन; काही मिनिटांत मन होईल ताजेतवाने