काही दिवसांपासून भारतीय शेअर मार्केटमध्ये आर्थिक पडझड सुरू आहे. याचे मुख्य कारण म्हणजे रशिया आणि युक्रेन यांच्या मधील सुरू असलेले युद्ध! रशिया-युक्रेन युद्धाच्या पार्श्वभूमीवर शेअर बाजारात सातत्याने घसरण होत आहे.
दरम्यान युद्धाची तीव्रता काही प्रमाणात कमी झाल्यामुळे गुंतवणुकदारांना काही प्रमाणात दिलासा मिळाला आहे. अशातच इन्फोसिसच्या गुंतवणूकदारांना मोठा झटका बसला आहे.
सरकारी योजना, गुंतवणूक, लाईफस्टाईल टिप्स आणि महाराष्ट्रातील ताज्या बातम्या वाचा मोफत इथे क्लिक करून
सोमवारी इन्फोसिसच्या शेअर्समध्ये मोठी घसरण झाली. बॉम्बे स्टॉक एक्सचेंजमध्ये इन्फोसिसचे शेअर्स सध्या 6.89 टक्क्यांच्या घसरणीसह 1628.10 रुपयांच्या पातळीवर व्यवहार करत आहेत.
कंपनीच्या शेअर्सवर विक्रीचा दबाव दिसून येत आहे. गेल्या आर्थिक वर्षातील चौथ्या तिमाहीचे निकाल अपेक्षेपेक्षा कमी राहिल्यानंतर आयटी कंपनी इन्फोसिसच्या शेअर्समध्ये ही घसरण झाली आहे.
दोन वर्षांहून अधिक काळातील इन्फोसिसच्या समभागांमध्ये झालेली ही सर्वात मोठी घसरण आहे. शेअर्समध्ये मोठ्या घसरणीनंतर , सुरुवातीच्या ट्रेडमध्ये 40,000 कोटी रुपयांचा धक्का बसल्यानंतर बीएसईवर इन्फोसिसचे बाजार भांडवल 6,92,281 कोटी रुपयांवर आले आहे.
सुरुवातीच्या व्यापारातच गुंतवणूकदारांचे 40,000 कोटी रुपयांहून अधिक नुकसान झाले आहे. निफ्टी आयटी निर्देशांकात सर्वाधिक घसरण झाली आहे.
निर्देशांक सुमारे 4 टक्क्यांनी घसरला आहे. इन्फोसिसने गेल्या आर्थिक वर्षाच्या जानेवारी-मार्च तिमाहीत निव्वळ नफ्यात 12 टक्क्यांनी वाढ नोंदवून 5,686 कोटी रुपयांची नोंद केली, जी मागील वर्षीच्या याच कालावधीत 5,076 कोटी रुपये होती. त्याच वेळी, कंपनीचा महसूल सुमारे 23 टक्क्यांनी वाढून 32,276 कोटी रुपयांवर पोहोचला, जो मागील वर्षी याच कालावधीत 26,311 कोटी रुपये होता.
शेअर्सनी या वर्षी आतापर्यंत 14% नकारात्मक परतावा दिला आहे. ICICI सिक्युरिटीजच्या विश्लेषकांनी सांगितले की, कमी वापर आणि क्लायंटच्या करारातील तरतुदींचा परिणाम यामुळे जानेवारी-मार्च तिमाहीत कंपनीची मार्जिन कामगिरी कमकुवत होती.
गेल्या पाच दिवसांत इन्फोसिसचे शेअर्स 10 टक्क्यांहून अधिक घसरले आहेत. त्याच वेळी, या वर्षात आतापर्यंत कंपनीच्या समभागांनी 14.33 टक्के नकारात्मक परतावा दिला आहे.
कंपनीच्या शेअर्सनी गेल्या वर्षभरात सुमारे 20 टक्के परतावा दिला आहे. त्याच वेळी, सुरुवातीपासून आतापर्यंत, इन्फोसिसच्या शेअर्समध्ये गुंतवणूकदारांना सुमारे 14,000 टक्के परतावा देण्यात आला आहे.
