Mahindra Scorpio N: तुम्ही देखील आता Mahindra Thar, Scorpio N किंवा XUV700 खरेदी खरेदी करणार असाल तर तुमच्यासाठी एक मोठी खुशखबर आहे. महिंद्रा कंपनीने एक मोठा निर्णय घेतला आहे याचा फायदा आता हजारो ग्राहकांना होणार आहे.
मागच्या काही दिवसांपासून कंपनीच्या Mahindra Scorpio N, Mahindra Thar आणि Mahindra XUV700 प्रचंड मागणी आहे. यामुळे ह्या कार्सवर खूप जास्त वेटिंग पिरियड आहे. हे पाहता आता कंपनीने एसयूव्हीचे एकूण मासिक उत्पादन 12-15 महिन्यांत 49,000 युनिट्सपर्यंत वाढणवण्याचा निर्णय घेतला आहे.
उत्पादन हळूहळू वाढेल
कंपनीने जाहीर केले की महिंद्राची मासिक उत्पादन क्षमता आर्थिक वर्ष 2022 च्या चौथ्या तिमाहीत 29,000 युनिट्सवरून 2024 च्या चौथ्या तिमाहीत 49,000 युनिट्सपर्यंत वाढेल. SUV ब्रँडने तीन वर्षांच्या कालावधीत 7,900 कोटी रुपयांची गुंतवणूक करण्याची घोषणा केली आहे.
महिंद्र एसयूव्हीची वाढती मागणी लक्षात घेऊन कंपनीने उत्पादन क्षमता वाढवण्याचा निर्णय घेतला आहे. 5-डोर थार आणि XUV400 EV सारख्या आगामी लॉन्चसाठी उत्पादन क्षमता वाढवण्याचा निर्णय घेण्यात आला आहे. हे कंपनीला तिच्या SUV साठी विद्यमान बुकिंग पूर्ण करण्यात मदत करेल.
कंपनी थार, स्कॉर्पिओ N, XUV300, XUV700 चे उत्पादन वाढवणार आहे
थारचे उत्पादन दरमहा 4,000 युनिट्सवरून 6,000 युनिट्स प्रति महिना, XUV300 प्रति महिना 5,000 युनिट्सवरून 9,500 युनिट्सपर्यंत आणि स्कॉर्पिओ एनचे उत्पादन दरमहा 10,000 युनिट्सपर्यंत वाढेल. कंपनी आपल्या लोकप्रिय XUV700 SUV चे उत्पादन सध्याच्या 6,000 युनिट्सवरून दरमहा 10,000 युनिट्सपर्यंत वाढवेल. त्याच्या EV पोर्टफोलिओसाठी, महिंद्राने उत्पादन क्षमता दरमहा 15,000 ते 17,000 युनिट्सपर्यंत वाढवण्याचा निर्णय घेतला आहे, जी कंपनीच्या एकूण लाइन-अपच्या 20-30 टक्के आहे. महिंद्र पुढील वर्षाच्या सुरुवातीला XUV400 EV SUV लाँच करेल.
नोव्हेंबर 2022 मध्ये Mahindra SUV चा वेटिंग पिरियड
Mahindra Scorpio N साठी वेटिंग पिरियड 15 आठवड्यांपासून 105 आठवड्यांपर्यंत आहे, तर स्कॉर्पिओ क्लासिकसाठी वेटिंग पिरियड 12-15 आठवडे आहे. XUV700 साठी वेटिंग पिरियड 4-6 आठवडे ते 72 आठवड्यांपर्यंत आहे. तथापि, थार 3-12 वेटिंग पिरियड आहे.
हे पण वाचा :- Maruti Suzuki Car : 28km मायलेज देणार्‍या मारुतीच्या या SUV चे बुकिंग 75000 पार ! जाणून घ्या त्याची खासियत