Car Price Hike : भारतीय ऑटोमोबाईल मार्केट हे जगातील टॉप 4 ऑटोमोबाईल मार्केटपैकी एक आहे आणि त्यात प्रचंड क्षमता आहे. त्यामुळे अनेक परदेशी ऑटोमोबाईल कंपन्यांनीही भारतीय ऑटोमोबाईल बाजारात आपले पाय रोवले आहेत.
यापैकी एक म्हणजे इंग्लंडचा एम.जी. गेल्या दोन वर्षांत एमजी वाहने भारतात लोकप्रिय झाली आहेत. मात्र आता लवकरच ही वाहने खरेदी करणे ग्राहकांच्या खिशाला अधिक जड जाणार आहे. नवीन वर्षात नवीन कार घरी आणण्याचा विचार करणाऱ्यांसाठी ही धक्कादायक बातमी आहे.
कंपनी किमती वाढवणार आहे
MG India लवकरच इतर कंपन्यांप्रमाणे भारतातही आपल्या वाहनांच्या किमती वाढवणार आहे. याबाबतची माहिती एमजी इंडियाने नुकतीच दिली आहे.
एमजी इंडिया आपल्या वाहनांच्या किमती कधीपासून वाढवत आहे?
नवीन वर्षाच्या सुरुवातीपासून एमजी इंडिया आपल्या वाहनांच्या किमती वाढवणार आहे. अशा परिस्थितीत 1 जानेवारी 2022 पासून भारतात एमजी वाहने खरेदी करणे महाग होणार आहे.
कोणत्या वाहनांच्या किमती किती वाढणार?
MG च्या सध्या भारतीय बाजारात 4 SUV उपलब्ध आहेत. MG Astor, MG Hector, MG Gloster आणि MG ZS EV नावाची ही 4 वाहने सध्या ग्राहकांसाठी उपलब्ध आहेत. यापैकी ZS EV ही इलेक्ट्रिक कार आहे. कंपनी चारही वाहनांच्या किमतीत 90,000 रुपयांपर्यंत वाढ करणार आहे.
भाव वाढवण्याचे कारण काय?
एमजी इंडियाने नवीन वर्षापासून आपल्या वाहनांच्या किमती वाढवण्याचे कारण म्हणजे यावर्षीचा वाढलेला उत्पादन खर्च. कोरोनानंतर वाहने बनवण्यासाठी वापरल्या जाणाऱ्या कच्च्या मालाची किंमत वाढली आणि त्यामुळे उत्पादन खर्चही वाढला. या कारणास्तव, MG India 1 जानेवारी 2022 पासून त्यांच्या वाहनांच्या किमती वाढवणार आहे.
हे पण वाचा :- Kinetic Luna : मार्केटमध्ये धुमाकूळ घालण्यासाठी पुन्हा येणार लुना ! इलेक्ट्रिक अवतारात करणार एन्ट्री ; वाचा सविस्तर