Share Market Uodate : सध्या शेअर मार्केटमध्ये भरपूर अस्थिरता आहे. बहुतांश वेळी गुंतवणूकदारांना मार्केटचा कल समजून घेण्यात अपयश येते. जर मार्केटमध्ये तुम्हाला टिकून राहायचे असेल तर गुंतवणूकदारांनी योग्य स्टॉकची निवड करणे खूप गरजेचे आहे.
Nykaa ने बोनस शेअर्स जारी करण्याची रेकॉर्ड तारीख बदलली आहे. कंपनीने स्टॉक एक्स्चेंजला पाठवलेल्या नोटीसमध्ये म्हटले आहे की बोनस शेअर्ससाठी पात्र भागधारकांची पात्रता ठरविण्याची रेकॉर्ड तारीख आता 11 नोव्हेंबर असेल. यापूर्वी कंपनीने रेकॉर्ड डेटसाठी 3 नोव्हेंबर निश्चित केली होती.
Nykaa ने स्टॉक एक्स्चेंजला सांगितले की, “आम्ही 3 ऑक्टोबर रोजी एका पत्राद्वारे कळवले आहे की कंपनीच्या बोर्डाने पात्र भागधारकांना 5:1 च्या प्रमाणात बोनस शेअर्स देण्यास मान्यता दिली आहे. याला अद्याप भागधारकांनी मान्यता देणे बाकी आहे. मंडळाने आता बोनस शेअर्ससाठी पात्र भागधारक निश्चित करण्यासाठी 11 नोव्हेंबर 2022 ही तारीख निश्चित केली आहे.
Nykaa च्या बोर्डाने बोनस शेअर जारी करण्यासाठी 11 नोव्हेंबर ही रेकॉर्ड तारीख निश्चित केली आहे. याचा अर्थ असा की हा स्टॉक एक्स बोनस म्हणून एक दिवस आधी म्हणजेच 10 नोव्हेंबरपासून ट्रेडिंग सुरू करेल.
रेकॉर्ड तारीख आणि बोनस तारीख काय आहे?
रेकॉर्ड तारीख ही ती तारीख असते ज्या दिवशी कंपनी बोनस शेअर्स प्राप्त करण्यास पात्र असलेल्या गुंतवणूकदारांना ओळखते, त्याच वेळी, कोणत्याही गुंतवणूकदाराला बोनस शेअर्सचा लाभ घ्यायचा असल्यास, समभाग खरेदी करण्याची एक्स-बोनस तारीख ही शेवटची तारीख असते. या दिवसानंतर नवीन खरेदीदाराला बोनस शेअर मिळू शकणार नाही.
Nykaa ने बोनस शेअर्सची रेकॉर्ड डेट अशा वेळी जाहीर केली आहे जेव्हा त्याच्या शेअर्समध्ये विक्रमी घसरण होत आहे. शुक्रवार, 28 ऑक्टोबर रोजी, Nykaa चे शेअर्स 975.00 रुपयांच्या त्यांच्या सर्वकालीन नीचांकी पातळीवर आले. तसेच, Nykaa शेअर्सची किंमत 1,000 रुपयांच्या खाली पसरण्याची ही पहिलीच वेळ होती.
Nykaa चे शेअर्स यावर्षी 52% घसरले
Nykaa चे शेअर्स गेल्या वर्षी 10 नोव्हेंबर रोजी स्टॉक एक्स्चेंजमध्ये बंपर वाढीसह 2001 रुपयांच्या किमतीत सूचीबद्ध झाले होते. 1,125 रुपयांच्या IPO किमतीपेक्षा हे जवळपास 78 टक्क्यांनी जास्त आहे. स्टॉक एक्स्चेंजवर सूचीबद्ध झाल्यानंतर 26 नोव्हेंबर रोजी त्याच्या शे असची किंमत 2,574 रुपयांवर पोहोचली, जी आतापर्यंतची सर्वोच्च पातळी आहे.
तथापि, यानंतर Nykaa च्या शेअर्समध्ये सुरू झालेला घसरणीचा ट्रेंड आतापर्यंत कायम आहे. गेल्या एका महिन्यात Nykaa चे शेअर्स सुमारे 22.57 टक्क्यांनी घसरले आहेत. त्याच वेळी या वर्षाच्या सुरुवातीपासून ते सुमारे 52.32 टक्क्यांनी घसरले आहे. गेल्या काही काळापासून विदेशी गुंतवणूकदार या शेअरमध्ये मोठ्या प्रमाणात विक्री करत आहेत.
Nykaa चे शेअर्स आणखी घसरतील का?
Nykaa च्या प्री IPO गुंतवणूकदारांसाठी लॉक-इन कालावधी 10 नोव्हेंबर रोजी संपणार आहे. गेल्या काही आठवड्यांपासून या समभागात जोरदार विक्री होत आहे. JM Financial चे म्हणणे आहे की Nykaa चे सुमारे 67 टक्के किंवा 319 दशलक्ष शेअर्स लॉक-इन एक्सपायरीच्या दिवशी उपडतील.
हे Nykaa गुंतवणूकदार त्यांचे शेअर्स विकण्यास सक्षम असतील
Steadview Capital Mauritius Ltd, TPG ग्रोथ IV SFPte. Ltd, Lighthouse India Fund III तसेच हरिदरपाल सिंग बंगा, नरोत्तम सेखसारिया आणि सुनील कांत मुंजाला सारखे गुंतवणूकदार 10 नोव्हेंबर रोजी लॉक-इन कालावधी संपल्यानंतर त्यांचे शेअर्स विकू शकतील. अशा परिस्थितीत काही विश्लेषकांचा असा विश्वास आहे की असे गुंतवणूकदार त्यांच्या पोर्टफोलिओमध्ये विविधता आणण्यासाठी Nykaa मधील त्यांची स्थिती हलकी करू शकतात.