Multibagger Stock : शेअर मार्केटमध्ये गुंतवणूक करत असताना आपण अनेक गोष्टी पडताळून पाहत असतो. वास्तविक जर एखाद्या स्टॉक मध्ये आपण गुंतवणूक केली तर साहजिक त्या स्टॉक बद्दल अनेक गोष्टी मूलभूत दृष्टीने पाहिल्या जातात.
आज आपण अशाच एका स्टॉक बद्दल जाणून घेणार आहोत, ज्या स्टॉकने गुंतवणूकदारांना जबरदस्त रिटर्न्स दिले आहेत. हा स्टॉक नेमका कोणता आहे आणि त्याच्याबद्दल बरच काही आपन जाणून घेऊया.
वास्तविक आरती इंडस्ट्रीज ही विशेष रासायनिक क्षेत्रातील कंपनी आहे, ज्याने गेल्या दोन दशकांत आपले गुंतवणूकदार करोडपती बनवले आहेत. गुंतवणूकदारांनी दीर्घकाळ संयमाने चांगल्या कंपनीत गुंतवणूक करत राहिल्यास त्यांना शेअर बाजारातून भरघोस नफा मिळू शकतो याचे ही कंपनी उदाहरण आहे. आरती इंडस्ट्रीजने गेल्या 23 वर्षात आपल्या गुंतवणूकदारांच्या भांडवलात 600 पटीने वाढ केली आहे.
आरती इंडस्ट्रीजचा शेअर शुक्रवार, १८ नोव्हेंबर रोजी NSE वर ६५४.२५ रुपयांवर बंद झाला. तथापि, 1 जानेवारी 1999 रोजी जेव्हा आरती इंडस्ट्रीजच्या समभागांनी प्रथमच NSE वर व्यापार सुरू केला तेव्हा त्याची प्रभावी किंमत फक्त 1.08 रुपये होती. अशाप्रकारे गेल्या 23 वर्षात आरती इंडस्ट्रीजच्या शेअर्समध्ये सुमारे 60,478.70 टक्के वाढ झाली आहे.
याचा अर्थ असा की जर एखाद्या गुंतवणूकदाराने 1 जानेवारी 1999 रोजी आरती इंडस्ट्रीजच्या शेअर्समध्ये 1 लाख रुपये गुंतवले असते तर आज त्याचे 1 लाख रुपये 6 कोटी झाले असते आणि तो करोडपती झाला असता. या वर्षांच्या सुरुवातीपासून आरती इंडस्ट्रीजच्या शेअर्समध्ये घसरण होत असली तरी या वर्षी आतापर्यंत 35.69% वाढ झाली आहे.
KRChoksey ने आरती इंडस्ट्रीज वर सप्टेंबर तिमाही निकालानंतर 841.00 च्या लक्ष्य किंमतीसह ‘BUY रेटिंग कायम ठेवले आहे. आरती इंडस्ट्रीजच्या सध्याच्या बाजारभावापेक्षा हे प्रमाण 28.71 टक्क्यांनी जास्त आहे.
आरती इंडस्ट्रीजचा नफा १६ टक्क्यांनी घसरला
आरती इंडस्ट्रीजचा नफा सप्टेंबरच्या तिमाहीत 16 टक्क्यांनी घसरून 124.48 कोटी रुपये झाला आहे, जो मागील आर्थिक वर्षाच्या याच तिमाहीत 149.95 कोटी रुपये होता. त्याच वेळी, कंपनीचा एकूण महसूल सप्टेंबरच्या तिमाहीत 34 टक्क्यांनी वाढून रु. 1,685.03 कोटी झाला आहे, जो मागील आर्थिक वर्षाच्या याच तिमाहीत रु. 1,256.37 कोटी होता..
सप्टेंबर तिमाहीत आरती इंडस्ट्रीजचा ऑपरेटिंग नफा (EBITDA) 4.5 टक्क्यांनी वाढून 266 कोटी रुपयांवर पोहोचला आहे. तथापि,त्याचे ऑपरेटिंग मार्जिन एका वर्षापूर्वी 20.2 टक्क्यांवरून 15.8 टक्क्यांपर्यंत घसरले.