Bank Locker Rules: तुम्ही देखील येणाऱ्या काळात बँकेमध्ये असणाऱ्या लॉकरमध्ये काही सामान ठेवण्याचा विचार करत असाल तर ही बातमी तुमच्या खूप कामाची आहे.
आम्ही तुम्हाला सांगतो 2023 च्या पहिल्याच दिवशी बँक लॉकरबाबत आरबीआयने नवीन नियम लागू केले आहे. आता आरबीआयने मोठा निर्णय घेत रिझर्व्ह बँकेने आता बँकांमध्ये बँक लॉकर नियमांसाठी नवीन करार मिळविण्याची अंतिम मुदत वाढवण्याचा निर्णय घेतला आहे. आता बँकांकडे ग्राहकांसोबत नवीन लॉकर करार करण्यासाठी 31 डिसेंबर 2023 पर्यंत वेळ असेल.
हा नियम लागू झाल्यानंतर लॉकरबाबत बँकांना ग्राहकांशी मनमानी करता येणार नाही.लॉकरमध्ये ठेवलेल्या वस्तूंचे मोठ्या प्रमाणात नुकसान झाल्यास त्याची जबाबदारी आता बँकेवर निश्चित करण्यात येणार आहे. त्याचबरोबर लॉकरच्या नियमांमध्ये झालेल्या बदलाची माहिती ग्राहकांना एसएमएस आणि इतर माध्यमातून बँकेला द्यावी लागेल.
आता या तारखेपर्यंत लॉकर करार केला जाऊ शकतो
आता बँकांकडे ग्राहकांसोबत नवीन लॉकर करार करण्यासाठी 31 डिसेंबरपर्यंत वेळ असेल. आरबीआयने यासाठी पावले निश्चित केली आहेत. बँकांना 30 जूनपर्यंत त्यांच्या एकूण ग्राहकांपैकी किमान 50% ग्राहकांशी नवीन करार करावा लागेल. 30 सप्टेंबरपर्यंत 75% सह करार करणे आवश्यक असेल. 31 डिसेंबर 2023 पर्यंत हा करार सर्व ग्राहकांशी करावा लागेल.
बँक भरपाई देईल
आरबीआयच्या नवीन नियमांनुसार, बँकेच्या निष्काळजीपणामुळे लॉकरमध्ये ठेवलेल्या सामग्रीचे काही नुकसान झाल्यास, बँकेला त्याची भरपाई द्यावी लागेल. ज्या जागेत सेफ डिपॉझिट व्हॉल्ट्स ठेवल्या जातात त्या जागेच्या सुरक्षेसाठी सर्व पावले उचलणे ही बँकांची जबाबदारी आहे.
बँकेच्या कर्मचार्‍यांनी केलेल्या फसवणुकीमुळे नुकसान झाल्यास, बँकेचे दायित्व लॉकरच्या वार्षिक भाड्याच्या 100 पट पर्यंत असेल.
भरपाई कधी मिळणार नाही
भूकंप, पूर, वीज, वादळ इत्यादी नैसर्गिक आपत्तींमुळे, ग्राहकाच्या चुकीमुळे किंवा निष्काळजीपणामुळे लॉकरमधील सामग्रीचे कोणतेही नुकसान झाल्यास बँक जबाबदार राहणार नाही.
हे पण वाचा : Mutual Fund : म्युच्युअल फंडात गुंतवणूक करताना ‘ह्या’ गोष्टी लक्षात ठेवा ; होणार लाखो रुपयांचा फायदा