Weather Update: भारतातील हवामानात दिसून येणाऱ्या बदलामुळे देशातील काही राज्यात मुसळधार तर काही राज्यात रिमझिम पाऊस सुरु झाला आहे. यातच आता हवामान विभागाने 15 फेब्रुवारीपर्यंत दिल्लीत जोरदार वारे वाहण्याची शक्यता वर्तवली आहे.
या जोरदार वाऱ्यांमुळे कमाल तापमानात घट होण्याची शक्यता आहे. तसेच दिल्ली-एनसीआर, नोएडा. उत्तर प्रदेश, राजस्थान, पंजाब, हरियाणासह उत्तर भारतातील हवामानात बदल झाल्यामुळे दिवसा उन्हामुळे नागरिकांना दिलासा मिळत असून रात्रीच्या वेळी थंड वाऱ्याच्या प्रभावामुळे तापमानात घट नोंदवली जात आहे.
या राज्यांतील हवामान कसे असेल
पुढील पाच दिवस देशभरात हवामान कोरडे राहील, असे हवामान खात्याने म्हटले आहे. तथापि, ईशान्य भारतात काही ठिकाणी हलक्या रिमझिम पावसाची शक्यता आहे. IMD नुसार, आसाम, अंदमान आणि निकोबार बेटे, अरुणाचल प्रदेश, नागालँड आणि मेघालयमध्ये पुढील पाच दिवसांत हलक्या रिमझिम पावसाची शक्यता आहे.
तापमानात बदल
हरियाणा, दिल्ली, दक्षिण राजस्थान, मध्य प्रदेशचा उत्तरी भाग, उत्तर प्रदेश, बिहार आणि झारखंडमध्ये गेल्या 24 तासांत तापमानात 3 ते 6 अंशांची घसरण झाली आहे. राजस्थान, पंजाब आणि हरियाणामध्ये किमान तापमान 4 ते 7 अंशांच्या दरम्यान राहील. उत्तर प्रदेश, दिल्ली, मध्य प्रदेश आणि छत्तीसगडच्या उत्तर भागात किमान तापमान 7 ते 10 अंश सेल्सिअस राहिले. हवामान खात्याच्या म्हणण्यानुसार पुढील पाच दिवस देशाच्या बहुतांश भागात कोणताही महत्त्वपूर्ण बदल दिसणार नाही.
थंडीपासून दिलासा
उत्तर प्रदेशात सध्या थंडीपासून दिलासा मिळाला आहे. IMD नुसार, उत्तर प्रदेशातील अनेक जिल्ह्यांमध्ये तापमानात वाढ होण्याची शक्यता आहे. आज राज्यातील अनेक जिल्ह्यांमध्ये हवामान निरभ्र असेल.
मात्र या काळात काही ठिकाणी हलके ढग असतील. त्याचबरोबर बिहारमध्ये पुढील चार दिवस कोरडे हवामान राहण्याची शक्यता आहे. मात्र, सकाळ आणि संध्याकाळच्या वेळी थंडी कायम राहील.
हे पण वाचा : PM Kisan Samman Nidhi Yojana: गुड न्युज ! ‘या’ दिवशी खात्यात जमा होणार 2 हजार रुपये ; फक्त करा ‘हे’ काम