काय सांगता ! ‘येथील’ कबुतराच्या नावावर आहे जमीन; बँकेतील खात्यावर आहेत करोडो रुपये

Mhlive24 टीम, 24 जानेवारी 2021:–कोणी व्यक्ती श्रीमंत आहे, लक्षाधीश आहे, कंपनीची उलाढाल करोडोमध्ये आहे, अशी वाक्ये व्यक्तींच्या बाबतीत सामान्य गोष्ट आहे. पण, कबूतर करोडपती आहे, हे क्वचितच ऐकलं असेल. आम्ही या ठिकाणी राजस्थानच्या चित्तौडगडमधील बंबोरी या गावातिल कबुतरांविषयी माहिती सांगणार आहोत.

बंबोरीमध्ये कबूतरही करोडपती आहेत. येथील कबूतरांची बँकांमध्ये खाती आहेत, कोट्यवधींचे बँक बॅलन्स आहे. सेवेसाठी एक नोकर देखील आहे. त्यांच्या नावावर 7 बीघा जमीनही आहे. एक कबूतरखाना देखील तयार केला जात आहे जेथे त्यांच्या गरजा पूर्ण करण्यासाठी कबूतरखाना समिती देखील बनवली जात आहे.

सरकारी बँकेत कबुतरांचे अकाउंट  

कबूतरांसाठी बडोदा राजस्थान ग्रामीण बँकेच्या बंबोरी शाखेत खाते उघडले गेले आहे. खाते क्रमांक 41940100000447 आहे. लोक थेट या खात्यात पैसे हस्तांतरित करतात.

या व्यतिरिक्त दरवर्षी मकरसंक्रांतीला समितीचे अधिकारी आणि ग्रामस्थ कबूतरांसाठी देणगी गोळा करतात आणि ही रक्कम त्यांच्या खात्यात जमा केली जाते. कॅश व्यतिरिक्त लोक गहू-मका दान करतात. या वेळी मकरसंक्रांतीवर कबुतरासाठी 1.72 लाख रुपये आणि 50 पोती धान्य गोळा करण्यात आले आहे.

बंबोरी समाजसेवेसाठी प्रसिद्ध आहे

कबूतरशिवाय गावातील लोकही समाजासाठी अनेक गोष्टी करतात. यावर्षी मकर संक्रांतीच्या दिवशी गावातील लोकांनीही रक्तदान शिबिराचे आयोजन केले होते, ज्यात 117 युनिट रक्तदान करण्यात आले. एवढेच नव्हे तर लोकांनी स्मशानभूमीत शवासाठी 50 क्विंटल लाकडाची व्यवस्थादेखील केली. जेणेकरून गरीब कुटुंबांना मदत करता येईल.

📲 राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत …आजच Add करा तुमच्या Whatsapp ग्रुपवर 9284295683 हा आमचा नंबर